Servizo para todas aquelas familias que precisen descargar e imprimir as tarefas escolares dos seus fillos/as e non poidan facelo dende o seu domicilio.
Omix Barro

Para familias con condición previa de comensal gratuíto ou semigratuíto dun euro.

Prazo: 31/03/2020 – 06/04/2020

-As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal

-Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

-As familias que acrediten dificultades para formalizar a solicitude por medios electrónicos poderán solicitar que o equipo directivo do centro educativo en que se escolarizan as/os súas/seus fillas/os colaboren na formalización da solicitude. Para estes efectos, os centros con comedor escolar habilitarán un horario especifico que anunciarán ás familias.

-Alternativamente, para o suposto de que non sexa posible obter mecanismos de identificación (FNMT ou Chave365), arbitrarase un sistema de captura das solicitudes nos centros educativos con identificación do solicitante a través de medios electrónicos ou telefónicos. Esta posibilidade anunciarase a través do portal educativo e dos portais dos centros educativos.

-A solicitude será única por cada familia e incluirá a totalidade das fillas e dos fillos escolares de ensinanzas obrigatorias, que sexan comensais gratuítos e semigratuítos dun euro no comedor escolar xestionado pola consellería nun centro de ensino público.

Máis información e solicitude no seguinte enlace: https://sede.xunta.gal/detalle-procedemento?codtram=ED601B&ano=2020&numpub=1&lang=es

Diríxome a vostedes coa intención de que o problema polo que estamos pasando os veciños de Valiñas (Barro) se faga eco entre as institucións da Xunta de Galicia que son responsables do “Plan de Banda Ancha 2020”, contando con unha inversión pública de 14,2 millóns de euros, co-financiados nun 75 % polo “Fondo Europeo Agrícola de Desarrollo Rural” (FEADER). Todo comezou certos meses atrás cando os veciños de Valiñas comezamos a recibir chamadas da empresa con razón social Telefónica de España S.A, dicíndonos que o internet por cable e a liña de teléfono que tiñamos dispoñible ata ese momento ía cortar o seu servizo, derivado do peche da centraliña que posúe dita empresa en San Antoniño(Barro). Ao comezo simplemente nos dicían que a opción de internet e teléfono por cable ía deixar de estar dispoñible e polo tanto íamos ter que cambiar o servizo ou ben a radio ou a fibra óptica, en ningún momento se nos puxo sobre a mesa a opción de cambiar a satélite. Obter internet e teléfono a través da fibra óptica é imposible xa que nesta zona non temos instalación deste servizo (si que esta dispoñible en zonas moi próximas dentro do mesmo concello, polo cal o gasto supoñería pouca cantidade de diñeiro). Polo tanto, a única opción posible era dar este servizo por radio, o cal tamén se demostrou que era inviable despois de que varios técnicos acudiran as casas dos veciños e as empresas para proceder a instalación e comprobaran que a cobertura era insuficiente. Despois de que os técnicos non nos ofreceran ningunha solución, os veciños seguimos chamando a empresa Telefónica S.A para pedir explicacións de como ían solucionar este problema, e nunca obtivemos unha resposta por parte da empresa, a cal solo nos daba largas. Recentemente a empresa volveu a poñerse en contacto cos veciños para ameazalos conforme se non se cambiaba o tipo de servizo íamos quedar sen acceso a internet e telefono, intentóuselle explicar de novo a situación a que foi ignorada completamente por parte da empresa. Por último, recibiuse un burofax da empresa citada anteriormente que o día 1 de abril se procedería ao peche do servizo. Sen importar en ningún momento a situación actual pola que pasa o pais (estado de alarma decretado polo goberno español con motivo do virus COVID-19) polo cal moitos veciños coma min mesmo, se atopan tele-traballando no seu domicilio e outros moitos accedendo a plataformas online para recibir clases ou ben na universidade ou en cursos anteriores. Este corte supoñerá un problema moi grande non solo para as numerosas familias da zona, senón tamén para empresas locais as que o peche deste servizo imposibilitara o seu funcionamento. Un saúdo, Raúl Vilas Piñeiro

http://chng.it/5sCMsxBPQh