A piscina municipal reabrirá o vindeiro sábado día 3 de xullo . A reapertura destas instalacións está condicionada pola situación epidemiolóxica actual provocada pola pandemia da COVID-19 e as normas e protocolos fixados serán susceptibles a modificacións en base á evolución da situación sanitaria.

Este ano, debido á limitación de aforo e á imposibilidade de uso de servizos como cafetería ou vestiarios, a entrada será gratuíta. Así mesmo, ante a limitación de aforo e para reducir todo o posible o risco de contaxios e cumprir estritamente coas normas e recomendacións marcadas polas autoridades sanitarias, 𝗼 𝗮𝗰𝗰𝗲𝘀𝗼 𝗮́𝘀 𝗶𝗻𝘀𝘁𝗮𝗹𝗮𝗰𝗶𝗼́𝗻𝘀 𝘀𝗲𝗿𝗮́ 𝗲𝘅𝗰𝗹𝘂𝘀𝗶𝘃𝗼 𝗽𝗮𝗿𝗮 𝘃𝗲𝗰𝗶𝗻̃𝗮𝘀/𝗼𝘀 𝗱𝗲 𝗕𝗮𝗿𝗿𝗼.

◼️ 𝗛𝗼𝗿𝗮𝗿𝗶𝗼: de martes a domingo de 15:00 h a 21:00 h
◼️ 𝗔𝗳𝗼𝗿𝗼: só poderán acceder ás instalacións un máximo de 150 persoas
◼️ 𝗠𝗮́𝘀𝗰𝗮𝗿𝗮: o uso de máscara dentro das instalacións é obrigatorio, excepto no momento do baño ou mentres se permaneza nun espazo determinado sen desprazarse e sempre e cando se poida manter a distancia interpersoal de 1,5 metros
◼️ No momento do acceso ás instalacións será necesario retirar un tícket e aportar datos persoais co fin de posibilitar a comunicación por parte do concello e das autoridades sanitarias de calquera incidencia relacionada coa situación epidemiolóxica
◼️ No momento da entrada todas as persoas deberán acreditar que están empadroadas en Barro, mediante un documento de identidade ou un certificado de empadroamento
◼️ Os vestiarios e a cafetería estarán pechados
◼️ Os aseos estarán abertos e realizaranse tres limpezas e desinfeccións diarias
◼️ Os grupos nas zonas de repouso terán un límite máximo de 15 persoas

O Goberno municipal tomou a decisión de aprazar os Concertos do Viño programados para esta fin de semana por causa das previsións de choiva tanto para o sábado como para o domingo e ante a imposibilidade de trasladar o evento a un lugar cuberto cumprindo coas normas de distanciamento social ditadas polas autoridades sanitarias.
O concello xa está buscando novas datas para a realización deste evento e anuncia que valerán as mesmas entradas para as novas datas.

O concello de Barro pon en marcha unha nova edición do Espazo Concilia nos meses de xullo e agosto co obxectivo de favorecer a conciliación laboral e familiar.

Devido á crise sanitaria, este ano ofrécense 50 prazas para o mes de xullo e outras 50 para o mes de agosto, cumprindo as limitacións ditadas pola Xunta de Galiza e con todas as medidas de seguridade. O horario será desde as 8:30 h até as 14:30 h.

Para o Espazo Concilia de Barro o concello conta cunha subvención da Deputación de Pontevedra para o Fomento da igualdade de oportunidades e a prevención da violencia de xénero 2021.

🗓️ O prazo para reservar praza será desde o día 14 ao día 21 de xuño, no Departamento de Servizos Sociais.

📋 Na selección de solicitudes terán prioridade as nenas e nenos que teñan os dous proxenitores traballando; as demais solicitudes tramitaranse seguindo a orde do rexistro de entrada.

📆O venres día 4 de xuño podedes participar na actividade SOCIAL PILGRIMS .
Obradoiro presencial e GRATUÍTO onde os participantes aprenderan:

👉Que é a realidade aumentada
👉Exemplos de contidos aumentados
👉As redes sociais.
👉 Spark AR. Introducción ao seu uso
👉O meu primeiro filtro de AR
👉Integración nunha rede social
👉Deseño dun filtro sobre o Camino de Santiago.

👀✏️PRAZAS LIMITADAS
A inscripción realizarase a través do correo electrónico: socialpilgrims@gmail.com