A limitación que o Goberno central propón impor aos soldos dos alcaldes e ao número de dedicacións exclusivas nos Concellos creou un gran desconcerto entre moitos dos afectados, mentres que algúns dubidan sobre as súas consecuencias. O alcalde de Pontevedra, o nacionalista Miguel Anxo Fernández Lores, foi contundente ao tachar a medida como «cortina de fume» destinada a desviar a atención do público dos casos de corrupción. Ademais, resaltou que é unha proposta máis adecuada para os tempos de Franco, ao reforzar o papel das Deputacións fronte aos concellos.

En todo caso, Lores é un dos rexedores que podería saír beneficiado da norma, porque tería unha marxe legal para ampliarse o soldo, cousa que non figura nos plans do goberno local. A popular María Ramallo, alcaldesa de Marín, tamén se atoparía nesta situación vantaxosa, porque o seu salario é menor do previsto para os municipios de máis de 20.000 habitantes. O socialista José Luis Poceiro, rexedor de Vilaboa, é outro que gaña menos do que o Goberno central considera que debería ser o límite máximo de percepcións para o seu concellos.

Os municipios con menor poboación ven máis afectados pola tesoirada. Un dos casos é A Lama, rexido polo popular Jorge Canda. A aplicación da norma impulsada por Rajoy báixalle o seu soldo en tres mil euros. «Que hai algo que facer na Administración local, de acordo», indicou, pero engadiu que un alcalde debe ter un salario «digno». «Eu dedícolle moitas horas ao Concello, non só pola mañá, dedicámonos en pleno ao traballo do Concello». O alcalde de Cuntis, o popular Antonio Pena, reiterou esta idea. «Eu non entrei en política para enriquecerme, pero a responsabilidade dun alcalde é moita e traballamos 24 horas. Espero que esta medida non sexa só para os alcaldes, senón para todos», concluíu.

O expopular e agora independente Roberto Vázquez, alcalde de Portas, foi máis incisivo. «Hai que empezar por arriba, non por abaixo. É moi fácil apertar aos alcaldes, ¿pero non sería máis fácil que empezasen por viaxes en primeira, dietas e esas cousas?», ironizou devolvendo os dardos aos deputados.

No outro extremo, o alcalde popular de Barro, José Antonio Landín, que non cobra un salario do Concello senón do seu traballo como médico. «Ao meu paréceme ben que se poña coto».

FAUSTINO BATALLÁN CONS: Bueno, hoxe vai tocar pedir explicacións desta foto que ides ver. Hai espallado por Barro, locais, bares, etc, este panfleto, no que se propón que se participe nunha “FESTA DE FIN DE AÑO 2012” no Pub Garaxe, das Baladas. Unha festa “privada

PP de Barro.José Antonio Landín, alcalde de Barro, e en nome do grupo municipal do PP, presentou unha moción hoxe no pleno do Concello de Barro, na que insta á Xunta de Galicia á construcción dun novo colexio público.
O alcalde explicou no pleno de hoxe que esta proposta xa conta cos informes favorables da Inspección de Educación da Xefatura Territorial de Pontevedra da Xunta de Galicia.
Landín sinalou que agarda por a disposición da Administración Autonómica os terreos necesarios para que o novo centro conte con todos os servizos como pistas deportivas, etc.
Tamén indicou que se facilitarán os terreos coa mellor ubicación posible, como xa se fixo na construcción do actual IES de Barro.

 Faustino Batallán Cons. PP de BARRO

 Hoxe no pleno, outra curiosa anécdota: O portavoz do PSOE de Barro leva unha moción para reclamar a solución á desaparición do convenio de Teleasistencia do Ministerio, e resulta que iso xa foi solucionado hai unhas semanas pola Deputación no marco dun convenio cos Servizos Sociais cos concellos da provincia (asumindo agora a Teleasistencia pola Deputación), incluidos os que goberna o PSOE e comunicado en prensa, etc…. Chegou tarde, ou non puido ler a prensa?… ·