A idea de Agustín Fernández de que a planta de compostaxe se sitúe no polígono Barro– Meis levantou unha poeira que parece difícil de extinguir. Onte, tras un fin de semana cheo de polémica nas redes sociais, foi o alcalde, José Antonio Landín (PP), o que saíu ao paso dos comentarios. «Cada pau que aguante a súa vela» pide o alcalde, nunha versión (realmente edulcorada) do seu «cada can que resgue os seus carrachos», frase que soltou no espazo de Facebook de la Alcaldía a mediados de 2014, cando o debate pola planta de compost estaba en pendes e apuntouse, por primeira vez, ao polígono Barro-Meis como posible situación.
«O grupo de Goberno quere facer un chamamento aos veciños, así como aos que se lían en dispoñer do seu territorio ou as súas instalacións. Como se manifestou noutras ocasións, Barro ten Concello propio, con personalidade xurídica e competencias,» recorda, para engadir que sabemos moi ben o que beneficia ou prexudica aos nosos veciños, concretamente ao polígono Barro-Meis».
Por último, Landín recorda que se noutros tempos «algún conselleiro se empeñaba en situar Ence e Elnosa neste polígono e hoxe en día outras forzas políticas queren facer o mesmo coa planta de compost, a uns e outros lles dicimos que non somos unha parroquia de Pontevedra e traballamos noutra dirección».

Tamén se desmarcou da idea, por enésima vez, o voceiro do PSOE de Barro, José Sanmartín, quen recorda que xa en 2014 publicaron unha carta rexeitando a idea. Nas redes sociais, os seus seguidores recomendábanlle aclarar posturas con Agustín Fernández, algo que, ao parecer, puido facer a responsable comarcal da agrupación.

Froiz ampliará substancialmente o seu número de traballadores coa apertura do seu futuro centro operativo e loxístico no polígono industrial de Barro-Meis. Estas novas instalacións empregarán a máis de 500 persoas, o que obrigará á empresa de alimentación a aumentar un “20 o 30% como mínimo” o seu equipo, segundo avanzou o empresario Magín Froiz na súa visita á parcela na que se situará esta nave.

O proxecto queSupermercados Froiz vai desenvolver en Barro-Meis instalarase nun espazo de 73.394 metros cadrados de terreo onde, tal e como indicou Magín Froiz, se creará inicialmente unha nave de 24.000 metros cadrados dedicada á venda, “con superficie suficiente para trabajar y acomodar la mercancía con cierta calidad”. Ademais habilitarase unha área para acoller a “flota potente de camiones” do grupo.

Pero esta iniciativa é aínda máis ambiciosa. O empresario adiantou que se contempla a creación dunha gardería infantil para os fillos dos traballadores da empresa, un comedor para os empregados, unha estación propia de autoservizo ou unha estrulladora de cartón, similar a que xa ten o grupo na súa sede central de Lourido.

Para completar o espazo, Froiz prevé a creación de amplas zonas verdes acondicionadas para lecer e descanso do persoal, “porque como la parcela es grande y bonita queremos hacer jardines para que la gente, al salir de trabajar o en los descansos, pueda estar paseando y distrayéndose”, sinalou Magín Froiz. “Tenemos que pensar en el futuro para hacerlo mejor como empresa y para que los trabajadores estén mejor”.

Como xa adiantara o empresario pontevedrés, estas novas instalacións non suporán o peche da sede de Froiz en Lourido. Magín Froiz insistiu que a matriz do grupo permanecerá en Poio e as oficinas centrais seguirán alí. Ademais, crearase un ‘cash and carry’ que estará aberto ao público e que suporá que “igual cerramos el de A Barca o lo convertimos en un supermercado” que dea servizo á Caeira, trasladando aos traballadores actuais a Lourido.

Ademais, a estas instalacións de Poio trasladarase tamén parte das liñas de conxelados ou froita que, actualmente, están repartida en varias naves como a que o grupo ten en Lérez “porque se nos han quedado pequeñas”. E todo iso traso “tremendo esfuerzo” que supuxo para o grupo a compra de Supermercados Moldes, unha operación na que ambas partes “quedamos contentas”, dixo.

FROIZ, LOCOMOTORA DE BARRO-MEIS

Na visita ao polígono tamén estivo presente o presidente da Deputación, Rafael Louzán, quen amosou a súa “gran satisfacción” polo acordo acadado con Froiz. Vai a permitir, sinalou, o “despegue definitivo” do polígono de Barro-Meis, xa que espera que a empresa de alimentación actúe como “locomotora” de todo este ámbito e permita atraer o interese de máis compañías.

Neste sentido , Louzán lembrou que desde o vindeiro mes de xaneiro de 2015, se abrirá un novo período para que outras empresas interesadas en instalarse en Barro-Meis poidan presentar as súas propostas. Este prazo permanecerá aberto durante todo o ano e as condicións serán as xa establecidas na convocatoria á que se presentaron Froiz e Novas Rías.

O presidente da Deputación confía en que os traballos para a creación das novas instalacións de Froiz se poidan realizar canto antes e a empresa conte con todos os servizos. “Por parte da Deputación non vai faltar nada para que no prazo que estableza a empresa, poida empezar a traballar”, asegurou Rafael Louzán.

Nestes momentos xa está adxudicada a construción da liña de alta tensión que abastecerá de enerxía o polígono e que permitirá poñer en marcha as obras en canto se rematen. A maiores, a Deputación está a construír nestes momentos o viveiro de empresas e está en licitación a construción dun Centro de Servizos e Apoio ás empresas instaladas que proporcionará espazos complementarios como oficinas, salas, auditorio, servizo de restauración, cafetería e outros.

http://pontevedraviva.com/lugar/barro/

a Diputación de Pontevedra convoca a contratación dunha obra para construír un centro de servizos e de apoio empresarial no polígono industrial de Barro-Meis. Dita infraestructura situarase nunha parcela de algo máis de 5.100 metros cadrados, e o prezo de saída do concurso é de 898.000 euros. O prazo de ejecución é de 11 meses.
A Diputación quere complementar o desenvolvemento deste parque empresarial unha vez que xa se adxudicou o vivero de empresas para emprendedores e que o polígono alcanzou un nivel de ocupación do 50 por cento. Así, este centro dispoñerá de salas para a celebración de reunións de empresas ou de cursos de formación, un auditorio para eventos con moita afluencia de xente ou cafetería e restaurante.
O ente que preside Rafael Louzán explica que o novo centro será un edificio de planta baixa, primeiro e baixo cuberta. Na planta baixa haberá unha cafetería, servizos e oficinas. Na primeira resérvase un espazo para auditorio e salas multiusos, ademais de almacéns e outras dependencias. No baixo cuberta, irán os cuartos necesarios para o funcionamento e ubicación das instalacións.
Os promotores do proxecto sinalan que a edificación terá unha forma baseada en volumes octogonales, cunha superficie útil aproximada de 1.200 metros cadrados.
Por outra banda, a Diputación tamén convoca un concurso para uns traballos na cuberta do Pazo Provincial.

http://www.farodevigo.es/portada-arousa/2014/12/11/proyectan-centro-barro–meis/1147888.html

A incerteza sobre a situación da planta de compostaxe proxectada polo grupo do BNG no Concello e o do PP na Deputación volveu desatar as alarmas no PSOE. O concelleiro de Educación e Deportes e líder dos socialistas pontevedreses, Agustín Fernández, situou onte o centro de tratamento de residuos orgánicos nunha canteira de Marcón.

O edil di dispoñer de informacións contrastadas «de veciños e outras fontes» que aseguran que a empresa que realiza o plan de viabilidade da planta de compost, Lagares Gansa, visitou terreos na citada parroquia, onde reside o alcalde, Miguel Anxo Fernández Lores.

A firma en cuestión encárgase de analizar a localización dunha planta cuxa situación se descoñece, polo menos de forma oficial, e de cuestións como a tecnoloxía do futuro complexo, a man de obra ou o custo de construción. As únicas localizacións que transcenderon ata a data son as que pasaron o filtro do Rexistromunicipal: a da empresa Comercial Inmobiliaria Ipamar 96 S.L., enSilleda, a dun particular en Reiriz (Alba), a de comuneros noRibeiro (Campañó) e a das comunidades de montes de Verducido-Xeve.

Todas estas alternativas foron descartadas xa polo Concello, que é a institución que asume a busca de terreos para a planta de compost, sobre a base de supostos informes técnicos.

Agustín Fernández instou de novo aos seus socio de Goberno, oBNG, a facer públicas as posibles situacións da futura instalación. «Toda esta incerteza o que está a provocar é máis alarma. Ademais da que xa se desatou noutras parroquias, agora tócalle a quenda a Marcón. Hai veciños intranquilos que xa se puxeron en contacto connosco por esta cuestión», asegura o concelleiro socialista.

barro-meis. Fernández cre que tanto o BNG coma o PP deben incluír nos seus programas electorais o seu posicionamento claro respecto á planta de compost, un proxecto que ambos os dous partidos defenden e que sacarán adiante sobre a base do «interesexeral» deste. O candidato ás primarias do PSOE para elixir oalcaldable para as municipais de 2015 asegura que o seu belixerante postura non responde a un interese electoral. «Non» é «oportunista. Só quero que se fale claro do asunto», engade.

O concelleiro cre que a mellor saída para unha infraestrutura deste tipo, que cataloga como «vertedoiro», sería un polígono industrial. E concretamente o de Barro-Meis.

O edil Agustín Fernández insta de novo o BNG a facer públicas as posibles situacións da instalación

A Xunta de Goberno da Deputación procedeu este venres á adxudicación definitiva das obras do viveiro de empresas de Barro-Meis, por un importe de 1,3 millóns de euros.

Ao concurso presentáronse 17 empresas, sendo a oferta gañadora e polo tanto a adxudicataria das obras,Construcciones Vila Miño S.A.

Con esta adxudicación, a Deputación avanza na creación de condicións favorables para o emprendemento na provincia, ao habilitar dous viveiros de empresas, un en Lalín e outro en Barro-Meis, para acoller proxectos emprendedores. Os dous viveiros póñense en marcha ao abeiro dun convenio de colaboración entre a Administración provincial e o Incyde, que conta cunha dotación económica total de 2,5 millóns.

DESEÑO

No caso do viveiro adxudicado hoxe, situarase nunha parcela de máis de 5.000 metros cadrado do polígono de Barro-Meis e centrará o seu peso nas “naves-nido” para un tipo de proxecto empresarial orientado a produción, a industria, a talleres ou a oficinas.

O deseño do edificio decidiuse por medio dun concurso de ideas, do que resultaron gañadores os arquitectos viguesesJuan B. Pons e Lucas Gándara.

No deseño, os arquitectos combinan a calidade estética cun deseño funcional, que aposta pola flexibilidade e capacidade de adaptación ás necesidades dos emprendedores.

Con este obxectivo, o inmoble terá un carácter modular, para que poida adecuarse aos proxectos que neles se instalen e para poder ser ampliados en caso de necesidade.

http://pontevedraviva.com/xeral/15438/barro-meis-deputacion-vila-mino-vivero-empresas-incyde/