Barro prepárase para celebrar o innovador proxecto cultural e musical “As cores do ceo: Roteiromusicado”. Esta iniciativa, prevista para outubro de 2024, busca dinamizar as relacións sociais entre a mocidade, promovendo actividades de lecer ao aire libre onde a música, a literatura e o patrimonio natural entrelázanse.

Un paseo musical pola natureza

O evento principal do proxecto é un percorrido a pé por unha área natural de gran valor en Barro, dividido en catro etapas. Cada tramo do paseo estará acompañado dunha composición musical inspirada en textos do autor galego Suso de Toro e interpretada polo grupo Cromosons.
Durante o percorrido, os participantes poderán acceder a estas composicións a través de códigos QR situados ao longo do roteiro.
A actividade non só ofrecerá a oportunidade de gozar da música e a paisaxe, senón que tamén permitirá aos asistentes facer pausas en puntos crave do percorrido para contemplar o patrimonio natural da zona. Ademais, tras o evento, o percorrido quedará sinalizado e dispoñible como un roteiro autónomo, accesible para futuros visitantes sen necesidade de guía.
Previo á celebración do roteiro co alumnado do IES de Barro, levaranse a cabo unha serie de actividades relacionadas coa promoción da vida saudable, o patrimonio natural, e os beneficios da música para o benestar mental:

• Relatorio “A Música e ou seu Poder na Saúde Mental”: Discutirase sobre o poder terapéutico
  da música e o seu impacto na saúde emocional.
• Relatorio “Música e Emoción: Un Binomio Inseparable”: Analizarase co alumnado da Escola de
  música de Barro a relación entre a música e as emocións humanas, destacando como a música
  pode influír no estado de ánimo.
• Obradoiro de Identificación de Especies Vexetais: Un taller interactivo onde os mozos e mozas
  aprenderán a recoñecer especies endémicas, autóctonas, alóctonas, exóticas e invarosas.
  Ademáis de crear pezas cerámicas inspiradas en texturas naturais.
  “As cores do ceo: roteiro musicado” ten como obxectivo non só promover o turismo cultural,
  senón tamén fortalecer os lazos comunitarios en Barro e os seus arredores. Ao integrar
  composicións musicais e textos literarios, o proxecto apoia o talento da nosa terra e fomenta a
  apreciación do patrimonio natural e etnográfico de Galicia.
  O percorrido realizarase o luns 28 de outubro de 2024, cunha edición especial organizada para o alumnado do IES de Barro, que incluirá unha versión adaptada do percorrido e un picnic en plena natureza e outra edición co alumnado da Escola de música de Barro. A actividade esta organizada pola asociación musical cultura tirante de Barro e conta co apoio da área de xuventude da Deputación de Pontevedra.

O Concello de Barro ven de executar unha actuación de mellora da iluminación pública nas seis parroquias do municipio.

O proxecto, que contou cun orzamento de 25.161 euros financiado a través do programa Máis Provincia da Deputación de Pontevedra, forma parte da aposta da Concellería de Obras e Servizos pola mellora enerxética mediante tecnoloxía led, que, ao tempo, redunda na calidade do servizo ofrecido á cidadanía.

Tal como explica o Tenente de Alcalde e Concelleiro de Obras e Servizos, José Sanmartín, nesta fase renováronse un total de 22 puntos de luz nos lugares de Lardoeira e Valbón na parroquia de Agudelo, Outeda, Fonte de Curro e Bretoña na parroquia de Curro, Porriña na parroquia da Portela, Gándara na parroquia de Perdecanai, Mane na parroquia de Barro e Piñeiro na de Valiñas.

“Consideramos que son actuacións fundamentais que, por unha banda, melloran a iluminación pública das zonas frecuentadas pola veciñanza e, por outra, permiten un maior aforro enerxético e aumentan a sostebilidade”, indica Sanmartín.

A intención de Sanmartín é continuar con este tipo de actuacións noutras zonas do municipio en sucesivas fases do plan.

Compartimos esta exposición que dous veciños do Concello de Barro, José Mosquera e Francisco Remiseiro,