O Concello de Barro, en coordinación coa Federación de Municipios e Provincias de Valencia e a Subdelegacion do Goberno, organiza unha recollida de productos para os afectados pola DANA.

Seguindo as súas indicacións, os producctos que máis se precisa é auga, leite, fiambres, pan de molde, latas de atún, materiais de limpeza persoal e doméstica, cueiros e compresas.

A recollida farase a partir do próximo luns 4, en horario de 9 a 14h, no concello.

BARRO D-MEDO 2024
🎃👻 A tarde e a noite máis terrorífica do ano! 👻🎃

Este XOVES 31 de outubro, vinde pasar unha tarde de medo no Pazo da Crega e celebrade connosco o Samaín máis divertido de todos! 💀

🕒 18:00 – 20:30 | Concurso de Calacús 🎃
Trae o teu calacú decorado e preséntate para ser o mellor no Concurso de Calacús, pero non te preocupes, só por participar recollerás as túas chuches D_Medo! (inscripción previa na OMIX de Barro 690722812, ata o día 30 ás 14:00)

🕒 18:00 – 20:30 | Obradoiro de Chapas e Chuches Terroríficas 🍬
Para os máis pequenos (e non tan pequenos), un espazo para crear chapas únicas e degustar chuches de medo.

🕒 19:30 – 21:00 | Magosto 🌰🔥
Non hai festa sen un bo magosto! Castañas quentiñas para todas e todos!

🎬 Pechamos o día coa Proxección das Curtas d-Medo 2024 e a Entrega de Premios A PARTIR DAS 21:00!

Despois das curtas, será o público quen elixa o seu favorito e axude a decidir o Premio do Público!

🎟️ Non faltedes! Será unha noite para lembrar!

🎃🎼🪕🥁A música será unha parte moi importante, DIXIEBRASS acompañarános para pasalo D-Medo!!!

🏛️Un ano máis, inícianse en Barro os Obradoiros de prevención das condutas aditivas do ámbito escolar. Estes Obradoiros realizaranse dentro do Proxecto de prevención das condutas aditivas no que participa o Concello de Barro desde o ano 2013 con outros concellos da contorna, Cuntis, Campo Lameiro, Moraña e Portas, a través dun Convenio de colaboración entre os mesmos e contando co cofinanciamento da Consellería de Sanidade (Dirección Xeral de Saúde Pública, Servizo de prevención das condutas aditivas).

🏫 Ao longo deste curso escolar 2024-2025 realizaranse no Colexio de Barro e no I.E.S de Barro actividades e obradoiros de prevención das condutas aditivas destinados ao alumnado de 6º Educación Infantil, Educación Primaria e Educación Secundaria Obrigatoria. Con eles, e seguindo a evidencia científica, traballaranse importantes factores de protección que reducen os riscos psicosociais na xuventude (hábitos saudables, habilidades sociais, habilidades de rexeitamento, autoestima, intelixencia emocional, etc.), ademais do traballo dos mitos e riscos asociados ao uso das novas tecnoloxías e ao consumo de tabaco, alcol e outras drogas.

🗣️ Estas actividades reforzaranse ao longo do 2025 con obradoiros destinados ás familias e con campañas de información e sensibilización sobre condutas adictivas destinadas a poboación xeral. Fortalecendo deste xeito a aposta que desde o Concello de Barro se realiza pola Promoción de hábitos saudables e a prevención das condutas adictivas entre a súa veciñanza, e en especial entre a xuventude.

Barro prepárase para celebrar o innovador proxecto cultural e musical “As cores do ceo: Roteiromusicado”. Esta iniciativa, prevista para outubro de 2024, busca dinamizar as relacións sociais entre a mocidade, promovendo actividades de lecer ao aire libre onde a música, a literatura e o patrimonio natural entrelázanse.

Un paseo musical pola natureza

O evento principal do proxecto é un percorrido a pé por unha área natural de gran valor en Barro, dividido en catro etapas. Cada tramo do paseo estará acompañado dunha composición musical inspirada en textos do autor galego Suso de Toro e interpretada polo grupo Cromosons.
Durante o percorrido, os participantes poderán acceder a estas composicións a través de códigos QR situados ao longo do roteiro.
A actividade non só ofrecerá a oportunidade de gozar da música e a paisaxe, senón que tamén permitirá aos asistentes facer pausas en puntos crave do percorrido para contemplar o patrimonio natural da zona. Ademais, tras o evento, o percorrido quedará sinalizado e dispoñible como un roteiro autónomo, accesible para futuros visitantes sen necesidade de guía.
Previo á celebración do roteiro co alumnado do IES de Barro, levaranse a cabo unha serie de actividades relacionadas coa promoción da vida saudable, o patrimonio natural, e os beneficios da música para o benestar mental:

• Relatorio “A Música e ou seu Poder na Saúde Mental”: Discutirase sobre o poder terapéutico
  da música e o seu impacto na saúde emocional.
• Relatorio “Música e Emoción: Un Binomio Inseparable”: Analizarase co alumnado da Escola de
  música de Barro a relación entre a música e as emocións humanas, destacando como a música
  pode influír no estado de ánimo.
• Obradoiro de Identificación de Especies Vexetais: Un taller interactivo onde os mozos e mozas
  aprenderán a recoñecer especies endémicas, autóctonas, alóctonas, exóticas e invarosas.
  Ademáis de crear pezas cerámicas inspiradas en texturas naturais.
  “As cores do ceo: roteiro musicado” ten como obxectivo non só promover o turismo cultural,
  senón tamén fortalecer os lazos comunitarios en Barro e os seus arredores. Ao integrar
  composicións musicais e textos literarios, o proxecto apoia o talento da nosa terra e fomenta a
  apreciación do patrimonio natural e etnográfico de Galicia.
  O percorrido realizarase o luns 28 de outubro de 2024, cunha edición especial organizada para o alumnado do IES de Barro, que incluirá unha versión adaptada do percorrido e un picnic en plena natureza e outra edición co alumnado da Escola de música de Barro. A actividade esta organizada pola asociación musical cultura tirante de Barro e conta co apoio da área de xuventude da Deputación de Pontevedra.