Un traballador morto e varios feridos graves é o balance dun incendio que afectou á primeira hora desta tarde ás instalacións da empresa Comercial Vilanova SL, situada no lugar de Bretoña, na parroquia de Curro , no municipio de Barro. Segundo fontes do 112, o suceso rexistrouse ás 15.33 horas.
A nave segue ardendo e as informacións son confunsas neste momento, pois os traballos de extinción desenvólvense a toda máquina. Ao parecer, os primeiros indicios apuntan á explosión dunha caldeira. O falecido é un veciño da parroquia de San Lourenzo, en Moraña.
Ata o lugar desprazáronse dous helicópteros e catro ambulancias, ademais de varias patrullas da Garda Civil e diversas dotacións de bombeiros. Varios veciños do lugar de Curro expresaron o seu malestar pola tardanza en chegar das ambulancias, dada a gravidade dos feridos, todos eles traballadores da firma.
Un residente que se achegou ao lugar afirmou que chegaron despois de media hora, cando xa estaban no punto Garda Civil e bombeiros. A empresa Comercial Vilanova situada no número 4 de Bretoña dedícase á construción de portas e portais.
Este mercores dia 28 de marzo todos deberiades acudir a o pleno do concello de Barro, as 21.00 H. Por tratarse temas economicos que van deixar o concello nunha situacion comprometida, onde a suba de impostos e recurte de servicios sera a tonica a seguir durante os proximos anos, onde poderemos ter unha “hipoteca de 14000 euros mensuales durante 9 ou 10 anos. Penso que deberiades vir a o pleno, porque esto vai estar movido. De todas formas nos faremos oposicion constructiva. Sabemos que hai traballo feito,pero hai que mellorar moito mais. Acudide. Saudos.
O abaixo asinante, Xosé Manuel Fernández Abraldes, portavoz do grupo municipal do BNG no concello de Barro, presenta a seguinte MOCIÓN referente á mellora da seguridade viaria no lugar de Outeda.
EXPOSICIÓN DE MOTIVOS:
As obras de construción dos nós de enlace viario na parroquia de Curro están a causar graves problemas de inseguridade tanto para os veciños e veciñas da parroquia como para a circulación de vehículos.
Xa era previsíbel que o desvío de tráfico a través do Lugar de Outeda pola estrada vella ía supor un problema para os veciños e veciñas. Esta estrada está totalmente abandonada desde hai moitos anos; de feito había un compromiso do anterior Goberno da Xunta cos representantes da Plataforma veciñal de urbanizar este treito de estrada para dar maior seguridade aos veciños diante do previsíbel aumento de tráfico debido ao acceso ao polígono.
O Goberno da Xunta do PP, ademais de non manter ese compromiso de urbanizar a estrada, non adoptou ningunha medida para mellorar a seguranza antes de desviar o tráfico pola mesma, limitándose a pintar un paso de peóns que os veciños non se atreven a utilizar con tranquilidade polo paso contínuo de vehículos que en moitos casos non respectan este paso de peóns, un tráfico intenso que é previsíbel se incremente coa chegada do verán.
Por todo o exposto o concello de Barro acorda aprobar a seguinte
MOCIÓN:
Solicitar da Xunta de Galiza que de forma urxente se adopten as medidas necesarias para mellorar a seguridade para as veciñas e veciños de Curro e para todos aqueles vehículos que circulan polo treito afectado polas obras, medidas que deben contemplar:
Situado xunto á fervenza e remansos do río, componse de varios espazos nos que gozar da gastronomía local, dun bo viño, ou degustar unhas tapas.
Barosa é perfecto para pasar o día en familia ou unha reunión en parella, unha reunión de grupo ou unhas copas cos amigos. Gozar da natureza e degustar pratos tradicionais cun toque contemporáneo así como os estupendos caldos da zona, no interior dun auténtico muíño tradicional.
…y moi pronto, poderás gozar da nosa programación cultural, con actuacións en directo na nosa terraza.
Sabías que
O cambio horario prodúcese dúas veces ao ano e o seu obxectivo é aforrar enerxía.
O cambio de hora é unha medida que se empezou a adoptar durante a Primeira Guerra Mundial.
En España, esta medida lévase adoptando dende 1974, aínda que a última regulación á que nos adaptamos chegou da man da directiva Europea 2000/84, que entre outras cousas unifica os días nos que se producen os cambios de hora en todos os países da Unión Europea, sendo estes o último Domingo de Marzo e Outubro, respectivamente
O tres etapas da próxima edición da Volta a España que discorrerán polas estradas da provincia de Ponvedra incluirán nos seus itinerarios un total de 30 concellos. Así o concretaron onte o presidente da Deputación, Rafael Louzán, e o director xeral de Unipublic e da proba, Javier Guillén, que confesa: “Teño toda a esperanza de que Contador participe”.
Desta forma, a Volta entrará en Galicia desde Cataluña, cunha xornada de descanso o luns día 27 de agosto que terá o seu epicentro en Ponteareas. A décima etapa (martes, 28 de agosto) poderá ser contemplada en Ponteareas, Porriño, Mos, Vigo, Gondomar, Nigrán, Baiona, Redondela, Soutomaior, Pontevedra, Vilaboa, Moaña, Cangas, Bueu, Marín, Poio e Sanxenxo. A undécima etapa (mércores, 29 de agosto), a única contrarreloxo da rolda, inclúe a Pontevedra, Poio, Meis, Ribadumia, Vilanova de Arousa e Cambados. A duodécima (xoves, 30 de agosto) percorrerá Vilagarcía de Arousa, Caldas, Moraña, Cuntis e A Estrada antes de internarse na provincia da Coruña.
Os responsables calculan un retorno económico de 120.000 euros por cada noite que todos os que interveñen na Volta, preto de 2.000 persoas, alóxense na provincia, o que supón case medio millón de euros. Javier Guillén lembrou ademais que están garantidas dúas horas de retransmisión televisiva por xornada, con difusión en 150 países. Por iso é polo que se escolleu o itinerario máis completo e que se inclúan o tres rías. Ademais, no acordo entre Deputación e Unipublic inclúese a instalación dunha caseta con produtos das Rías Baixas na zona de saída e chegada de cada unha das etapas pontevedresas.
Como aperitivo deste gran evento deportivo, que o presidente da Deputación define como “o máis importante de Galicia”, celebraranse doce marchas cicloturistas impulsadas pola administración provincial e ás que se suma o director xeral de Unipublic, que se vai a encargar da súa organización. Baixo a lema “Úneche á Volta”, estas marchas cicloturistas realizaranse nos fins de semana de maio a xuño. Haberá en Lalín, A Estrada, Vilagarcía, Cambados, Sanxenxo, Marín, Cangas, Redondela, Mos, Porriño Ponteareas, Tui e no tres concellos do Val Miñor (Nigrán, Baiona e Gondomar) onde se celebrará unha marcha conxunta. En total confían en implicar a 25.000 persoas.
NOTICIAS DE BARRO 
