O recén investido alcalde, que non puido reprimir as bágoas ao aceptar o cargo, tivo un sentido recordo nada máis empezar o seu discurso a Castor Castro, alcalde de Barro durante a República, un home “represaliado polas súas ideas e a defensa da liberdade”.
Moitos veciños preguntábanse hoxe quen é Castor, aquí quédavos algunha información sobre Castor Castro Cancela….. o derradeiro alcalde republicano de Barro.
Castor Castro Cancela, nado en Portela (Barro) e finado no mesmo concello en 1974, foi un político galego.
Fillo de Jose Castro e Manuela Cancela Bua. Casou con Jesusa Nieto Mourente. En 1918 participou na constitución dunha sociedade de oficios varios en Barro.
O 16 de maio dese ano presidiu un mitin agrarista celebrado na parroquia de Curro no que participaron Ramón Abal, de Barro, Salvador Novo de Moraña, Samuel Blanco de Paradela, Marcelino Fernández de Vilaxoán e Manuel Alvarez de Vilagarcía. Na Segunda República foi elixido alcalde de Barro en 1936. Coa sublevación do 18 de xullo de 1936 estivo fuxido polas ameazas e acoso falanxista.
Foi detido pola Garda Civil e os falanxistas a mediados de setembro. Xulgado en Consello de Guerra en marzo de 1937 en Pontevedra, foi condenado a pena de prisión de 15 anos. Ingresou na penitenciaria da illa de San Simón e despois foi trasladado á cadea de Astorga.
Xosé Collazo Castro Nas actas dixitalizadas do Concelho de Barro, nos anos 30 podemos ver referencias a Castor e aos seus companheiros de corporación e do seu trabalho municipal e no “Bolido”, que era o medio de comunicación que tinhan na época anterior ao período republicano, que nos deixou fotografar un médico de Moraña, co que se puxo en contacto meu irmán Alejandro, hai algunha info do trabalho do noso avó ná época. Alén do que dixen anteriormente, temos algunha información máis..
Non tenho agora moito tempo, mais déixovos algo máis: A lembranza da nosa nai Mercedes e da nosa tia Melania, sumadas ás testemunhas de vecinhos maiores, mesmo do noso pai ou de Guillermo Vidal, era case o único que tinhamos deste aspecto da súa vida (a represión que sufriu Castor, pois el mesmo case non falou con nós diso..) e así até fai uns 15 ou 16 anos era pouca, case ningunha a documentación importante que tinhamos diso..Pouco a pouco nos puxemos á obra e atopamos nunha importante biblioteca o libro “Galicia y el Movimiento Nacional” do cura (coengo) fascista Silva Ferreiro que fala, desde a súa optica, do trabalho militante de Castor na comarca de Barro e Moraña. Mais nesta laboura foron importantes as achegas de amigos e amigas que trabalhaban na recuperación da memoria, especialmente o contributo de Roberto Rivas Reboredo, na altura presidente da Asociación Cultural Barosa e concelheiro do BNG, que achegou algunha info e conseguiu saber por medio dunha información alambicada onde estaban os documentos do Conselho de Guerra ao que foi sometido (É incríbel que a estas alturas ainda haxa que proceder de modo tan detectivesco pra conseguir saber da nosa historia e dos nosos mortos e represaliados!..). Con Roberto me despracei a Ferrol e, alí, nun antigo cuartel militar conseguimos entre os dous ver o seu expediente do xuizo, do que fotocopiamos a maior parte con unha fotocopiadora de mala morte que os militares que alí estaban nos deixaron usar amablemente. Despois foi importantísima tamén a axuda e recuperación documental que nos prestou o secretario do noso Concelho de Barro Xesús R. Castro, por medio do que conseguimos ter moita máis información [Desculpar acolocación desta puntuación..pois este trebelho facebook non me deixa por puntos e aparte..). Deixo aquí unha información que publiquei no facebook, hai 3 anos, que resumia parte disto:https://www.facebook.com/photo.php?fbid=3091023689595…
Neste enlace tedes unha entrevista con unha veciña de 95 anos de Saians Moraña na que na ultima parte sin acordarse do seu nome fala de Castor Castro Cancela…o derradeiro alcalde republicano de Barro.
http://movimientoengalicia.blogspot.com.es/2010/07/morana.html?m=1
http://gl.m.wikipedia.org/wiki/Castor_Castro_Cancela
http://vitimas.nomesevoces.net/gl/ficha/430/
O presidente da Deputación de Pontevedra, Rafael Louzán visitou este mércores o inicio das obras do centro de servizos e apoio empresarial que se constrúe no polígono industrial de Barro-Meis, “queatenderá ás demandas dos novos emprendedores do viveiro de empresas que aquí se instalen e das empresas que xa funcionan no polígono”, segundo manifestou.
A empresa Construccións Abal é a encargada de executar a obra cuxo orzamento é de 898.641euros e ten un prazo de execución de 9 meses.
O novo edificio disporá dunha superficie útil de 1.200 metros cuadrados distribuída en tres andares. A planta baixa albergará unha cafetería, os servizos e varias oficinas, mentres que a primeira planta vaise a reserva un espazo para auditorio e salas multiusos ademais de almacéns e outras dependencias. No baixo cuberta instalaranse os cuartos de servizo para o funcionamento da instalación.
Rafael Louzán destacou que esta segunda fase da obra completa o desenvolvemento urbanístico do parque e sinalou que se están a cumprir os prazos previstos para esta segunda fase da obra que complementa a construción do novo viveiro de empresas.
O presidente da Deputación destacou que “estamos indo en tempo razonable para que a primeiros de ano, aproximadamente, teñamos dispoñible os dous edificios que darán servizo a todos os empresarios xa instalados no polígono e a decena de novos emprendedores que virán ao viveiro”.
VIVEIRO DE EMPRESAS
Rafael Louzán tamén inspeccionou a evolución das obras de construción do viveiro empresarial que facilitará a labor dos novos emprendedores ofrecéndolles espazos e servizos axeitados para a posta en marcha das súas iniciativas.Funcionará como unha estrutura de acollida temporal no que as novas empresas poidan dar os seus primeiros pasos á vez que reciben un asesoramento especializado das súas necesidades e con vantaxes económicas.
Durante os dous primeiro anos, as novas empresas poderán instalaranse de balde soportando unicamente os gastos xerais de mantemento das dependencias.
A posta en marcha deste viveiro, financiado con Fondos Feder nun 80% e da Deputación nun 20%, é froito dun acordo coa Fundación Incyde para impulsar o emprendemento empresarial e a promoción económica da provincia.
Desde que a crise económica empezase a facer das súas alá polo ano 2008, a situación financeira de miles e miles de familias da provincia de Pontevedra non deixou de deteriorarse mes tras mes. Así o acredita un minucioso informe elaborado pola consultora AIS, que analizou en detalle distintas variables sobre o escenario ao que se enfrontan a día de hoxe os fogares. A conclusión respecto dos ingresos que perciben os pontevedreses é contundente: apenas seis municipios manteñen a día de hoxe nas comarcas de Pontevedra e Arousa unha renda familiar similar á que tiñan no 2011.
Trátase de Sanxenxo, O Grove, Poio, Meaño, Cotobade e Catoira, onde os ingresos das familias oscilan entre os 1.800 e os 2.200 euros ao mes de media, ao mesmo nivel que fai tres anos, de acordo co avanzado polo informe de AIS. A consultora utiliza distintas fontes oficiais para analizar a evolución: Instituto Nacional de Estatística (INE), Ministerio de Facenda…
A masiva deterioración da situación financeira das familias que constata o informe de AIS non desatou unha tendencia similar nos consistorios das comarcas de Pontevedra e Arousa. Moi ao contrario, a maioría dos rexedores pontevedreses asumiron nestes tres anos que o que tocaba era apertarse o cinto e son moitos os que se aplicaron a iso para conter a débeda das institucións que lles tocaba gobernar. A costa iso si, en moitos casos, de sufrir o seu para prestar os servizos que demandaban os seus veciños.
Hai no entanto algunhas excepcións. O informe sostén que sete concellos destas comarcas elevaron a súa débeda entre o 2011 e o 2014. Son Vilanova, Portas, Meis, Barro, Catoira, Caldas de Reis e Sanxenxo.
O repunte máis cuantioso é deste último, tendo en conta que o estudo precisa que o Concello turístico elevou os seus números vermellos en máis de dous millóns durante o período analizado.
Os concellos de cabeceira de ambas as comarcas, en contraposición, presentan un comportamento moi positivo neste sentido pois lograron conter os seus números vermellos neses tres anos. Pontevedra, por exemplo, pasou de soportar unha débeda de 290 euros por habitante no 2011 a 230 no 2014, mentres que en Vilagarcía o recorte foi algo máis modesto, pero en todo caso importante: de 513 euros por veciño no 2011 a 499 treses anos máis tarde.
O estudo deixa constancia para rematar dun dato curioso: a existencia de seis concellos que non soportaban ao peche do 2014 ningún tipo de débeda. Trátase dos consistorios de Ribadumia, Meaño, Valga , Pontecesures, Cotobade e Campo Lameiro.
Contención
En todos eles, a contención orzamentaria executada polos seus respectivos gobernos locais estaría detrás dun dato de xeito evidente rechamante.
No Albergue de Peregrinos de A Portela, estamos de segundo aniversario. Para os que non o saibades, A Portela e unha parroquia do Concello de Barro, situado entre Pontevedra e Caldas de Reis.
O longo destes dous anos, pasaron, e compartiron con nos as súas vivenzas persoas de máis de 50 paises.
Xente de todo o Planeta. Habitantes da fría Groenlandia e do caluroso Iran. Xente da Siberia e da Amazonía Brasileira. De multitude de países do rico norte Europeo e xente da África pobre.
Xente de outras culturas do lonxano Oriente.
Xente de pequenas aldeas de Sudamérica e xente da Metrópoli de Tokio.
Xente de multitude de islas de todos os océanos e xente da América profunda.
Xente da tranquila Oceanía e xente cos seus paises en guerra como Siria.
Xente aparerntemente rica e xente que levaba todas as suas pertenzas en unha mochila.
Xente que veu con bebés de meses e xente con máis de 80 anos.
Xente que camiñaba durante o inverno en zapatillas de andar pola casa.
Xente que camiñaba sóla e xente que camiñaba en familia durante máis de un mes.
Xente que falaba multitude de idiomas.
Xente con gañas de falar e xente introspectiva.
Blancos, negros, amarelos…
Tivemos a sorte de poder compartir unhas horas con multitude de xente que nos levou de viaxe astral o seu pobo, a sua cidade, o seu país.
Xente que nos fixo reir e algún que nos fixo chorar.
Foron miles os seres humanos que pasaron polo albergue de A Portela estes dous anos e todos e cada un deles nos deixou algo da súa enerxía. E creemos que unha boa parte deles levaron A Portela no seu corazón para a sua aldea, para sua casa.
Sentimonos orgullosos e agradecidos por poder seguir traballando en un lugar que é coma unha ventá aberta o mundo. Cada día coñecemos xente nova, de algún sitio do Planeta que nos aporta algo.
Cada mañan cando chegamos o Albergue o primeiro que miramos e o noso libro de visitas onde nos escriben cousas tan fermosas coma esta pequena mostra que vos mostramos.
Por moitos anos.
Albergue Peregrinos da Portela – Barro Tf. 655952805 Jorge López
https://www.facebook.com/albergueperegrinosportela.barro
PAXINA:
http://www.alberguedaportela.es/
Un emocionado Xosé Manuel Fernández Abraldes converteuse este sábado no novo alcalde de Barro. Despois de 32 anos de goberno do popular José Antonio Landín Eirín -só interrompidos por sete anos nos que, ao estar inhabilitado, cedeu o cargo á súa esposa-, o municipio terá un goberno de esquerdas. O líder do BNG recibiu o apoio dos seus outros tres compañeiros e dos dous concelleiros do PSdeG-PSOE.
Abraldes, que non puido reprimir as bágoas ao aceptar o cargo, tivo un sentido recordo nada máis empezar o seu discurso a Castor Castro, alcalde de Barro durante a República, un home “represaliado polas súas ideas e a defensa da liberdade”. Tras iso, o recén investido alcalde quixo agradecer o apoio dos edís nacionalistas e socialistas e aos veciños “que nos votaron para conseguir esta alcaldía”.
A partir de agora, dixo,“intentaremos gobernar para todos os veciños, independentemente da súa ideoloxía, modo de pensar ou opinión,”. A súa prioridade será poder paliar “na medida do posible” a situación que están a atravesar moita xente “polo momento que estamos a vivir” e para iso pediu “o apoio de todos”, porque o seu será, reiterou, un concello “aberto á participación de todo o mundo”.
Xosé Manuel Fernández Abraldes recibiu o apoio dos outros tres concelleiros do BNG, Roberto Rivas, Amelia Cancela e Antonio Giráldez -que prometeron o seu cargo coa súa man enriba dun exemplar de Sempre en Galiza de Castelao-, e dos dous edís electos do PSdeG-PSOE, Lía Rodríguez e o seu cabeza de lista, José Sanmartín, con quen Abraldes se fundiu nun abrazo nada máis tomar posesión como alcalde.
Foi o único candidato que se presentou para ser elixido alcalde, xa que o popular Landín Eirín anunciou que o seu grupo se abstería antes de comezar a votación, que se produciu a man alzada tras o acordo alcanzado entre os tres partidos. Xunto ao exalcalde, o Partido Popular estará representado na nova corporación por María Teresa Roig, Jesús Manuel Moreira, María Dolores Martiñán e Emilio Ucha.
O LUNS 22, REUNIÓN PARA PECHAR O PACTO
Xosé Manuel Fernández Abraldes explicou que, unha vez lograda a investidura, que xa estaba asegurada dende o día das eleccións porque “PSOE e BNG tiñamos a vontade de investir un alcalde alternativo a Landín”, ambas as dúas formacións retomarán as conversacións para pechar un pacto de goberno estable e “pechar os flecos que quedan”. Será, explicou, un goberno “solidario” no que participarán os seis concelleiros electos por ambas as dúas partes.
Este encontro non se producirá antes porque a partir do xoves se celebra a Festa do Viño de Barro, un evento que ambos os dous partidos tiveron que organizar “sen ter cargo para poder facelo”. Desta festa quedan “ultimar un par de recados”, polo que “esperaremos que pase esta semana” para conformar o novo goberno e todo o funcionamento interno do concello.
O colexio Sacro Corazón de Praceres celebrou na tarde de onte a “Festa dá Familia” á que 
asistiu a comunidade educativa a unha xornada lúdica e de convivencia. Ao catro da tarde comezaron as funcións no salón de actos e posteriormente tivo lugar unha serie de actividades no patio para os nenos, desde talleres de maquillaxe, clases de zumba, zancudos, globoflexia, inchables, e ata un concurso de tortas. Como colofón os nenos divertíronse coa festa da espuma. Por outra banda, o instituto de Barro contou coa presenza do científico Anxo Carracedo quen impartiu unha interesante aos alumnos do centro. O relator é profesor da Universidade de Santiago e investigador que desempeña o seu labor no campo da xenética molecular e o ADN. Tamén participou a escritora Loli Beloso
Os grupos do PSOE e o BNG de Barro non escatiman tempo nin esforzo á hora de negociar o futuro goberno bipartito do municipio.
As formacións reuníronse o pasado luns por segunda vez para seguir avanzando nas negociacións e manterán un terceiro encontro a finais desta semana, para dar un paso máis á hora de conformar un goberno estable que substitúa o do PP tras 32 anos no poder.
O cabeza de lista do BNG e futuro alcalde, se se cumpre a folla de ruta, Xosé Manuel Fernández Abraldes, indicou que ambas as dúas formacións dan por pechado o traballo en torno aos programas de Goberno e as prioridades a ter en conta na acción do Concello. Unha vez completada esa fase, as dúas formacións iniciaron asdeliveraciones en torno ao organigrama de Goberno.
No caso de Barro parece que hai acordo para que todos os concelleiros se repartan áreas de traballo.
O equipo estaría liderado por Xosé Manuel Fernández Abraldes, que exercería como alcalde, e tería no socialista Jose Sanmartín o primeiro tenente de alcalde. Catro concellarías serían para os nacionalistas e dous para os socialistas.
Ata o momento, formuláronse seis grandes bloques temáticos que poderían funcionar como concellarías, ou modificarse aínda con variacións, segundo entendan os dous grupos. En principio, as áreas serían: Promoción económica e El BNG propón funcionar conAbraldes como alcalde e Sanmartín como primeiro tenente de alcalde, ademais de seis concellarías Emprego; Urbanismo, Medio, Obras e Servizos; Benestar Social Educación e Sanidade; Deportes; Cultura, Patrimonio e Festas; e Persoal e Facenda.
Nin BNG nin PSOE se inclinaron aínda por ningunha das áreas e ambas as dúas formacións están a estudar as súas posibilidades, «sobre todo tendo en conta que podemos tentar que se adaptenmellor aos perfís dous futuros concelleiros», sinalou Abraldes.
Neste momento, o PSOE debe analizar a proposta e tomar unha determinación antes de que se convoque a seguinte cita.
As dúas formacións explicaran que coinciden en moitos puntos na súa visión sobre as prioridades que debe ter o Concello. Abraldesavanzou onte algunha destas ideas, como a maior optimización dos edificios públicos. Hai instalacións, como a Escola-Taller ou a casa do concello vella, que pasarán a estar a disposición dos colectivos e veciños se o bipartito sae adiante. Tamén é moi posible que a sala de plenos da Casa do concello nova se considere un espazo multiúsos e compatibilizaríase o seu uso con algunhas actividades concretas de asociacións veciñais ou colectivos.
O nacionalista indicou que «todos apostaremos por un gobernosolidario, non que ou alcalde e tenente de alcalde traballarán paraapoiar ao resto de concelleiros, e non que ás prioridades están claras para nós». Á súa vez, apuntou que, unha vez superada a repartición de concellarías, se entrará na fase final do traballo para sentar as bases do pacto, «za que entendemos que ou prioritario eran vos programas, vos obxectivos e ás bases de acción».
Día 19/06/2015:
SOLARA e LA FÓRMULA
Día 20/06/2015:
OS SATÉLITES e ROYAL ORQUESTA DE GALICIA
Máis info:
http://www.orquestasdegalicia.es/fiesta_19-06-2015_orquesta…
http://www.orquestasdegalicia.es/fiesta_19-06-2015_orquesta…
NOTICIAS DE BARRO 