O último dos concertos da segunda edición de Música nas Parroquias será este sábado na parroquia de Barro, concretamente na capela de San Xosé, Porráns, ás 19h.
Unha persoa resultou ferida nun accidente de tráfico ocorrido na mañá de onte no municipio de Barro.
O suceso tivo lugar ás 10.25 horas na N-550, á altura do restaurante Florita, cando un vehículo saíuse da estrada. Ao parecer o condutor sufriu unha indisposición e perdeu a consciencia, o que motivou o accidente.
Ata o lugar acudiron Emerxencias e Protección Civil de Barro que evacuaron a un centro médico ao ferido.
A Xefa Provincial de Tráfico, Mª Isabel Alonso, fixo unha visita oficial ao Concello de Barro na que mantuvo unha entrevista co Alcalde e o Tenente de Alcalde para falar da posible colaboración entre os dous Organismos.
Dende o Goberno Local aproveitouse a visita para falar dos problemas de seguridade vial que representa a PO-531 e a N-550 o seu paso polo núcleo de San Antoniño.
Ainda sabendo que a resolución a eses problemas de seguridade non é competencia da Xefatura de Tráfico si se lle pediu a súa intervención informando a Demarcación de Carreteras do Estado e a Consellería de Infraestructuras sobres os puntos máis comflictivos nesas dúas estradas.
No núcleo do San Antoniño existen dous cruces especialmente perigosos un coa rúa Areal, que está pendente dos informes de carreteras sobre a posibilidade de construcción dunha rotonda nese punto e o outro no cruce coa estrada provincial que vai en dirección á Portela, na que se produciu ainda onte outro accidente.
Outro dos puntos tratados foi a disposición da Xefatura Provincial de Tráfico a colaborar co Concello na concienciación en canto a seguridade vial, xa sexa con charlas nos centros educativos ou outro tipo de iniciativas.
Hai máis de 5 anos que se remataron as negociacións cos veciños para consensuar o proxecto, nas que se acordou convertir a PO531 nunha travesía urbana, pero a consellería non fixo nada do prometido, polo que a inseguridade e os accidentes seguen a producirse continuamente.
É por iso que a corporación municipal se suma a reivindicación da Plataforma de afectados, para que dunha vez por todas se dea comezo ás obras, e se cumpra cunha débeda histórica con todos os usuarios desta estrada.
Os circos con animais implican unha enorme crueldade, tanto polas condicións de aloxamento, alimentación, transporte e socialización como polos brutais e violentos métodos de adestramento.
Ao mesmo tempo, os circos con animais ofrecen unha visión da realidade distorsionada e antieducativa.
Os nenos e nenas, público maioritario destes espectáculos, deberían ser educados no respecto cara aos seres vivos e a natureza, e estes espectáculos non contribúen en nada a esta sensibilización.
O orzamento para a anualidade de 2016, acada a cantidade de 2.385.000, o que supón un incremento do 24,70%, en lugar do 4% previsto, debido ao Plan de concellos da Deputación que nos permite coñecer os recursos cos que imos contar para o próximo exercicio e facer desa maneira unha mellor planificación.
Tratase dun orzamento axustado e viable, co obxectivo de manter a estabilidade e minorar o endebedamenteo. Coñecedores da situación económica e social que estamos a vivir, debido as medidas antisociais adoptadas polo goberno central, coa suba de impostos e os recortes en servizos básicos e a destrucción de emprego de calidade, conxélanse os impostos e taxas municipais para non incrementar aínda máis a carga impósitiva que soportan os nosos veciños
Como prioridade este orzamento está orientado ao mantemento sen recortes dos servicios sociais e o resto dos servizos básicos, así como a contribuir dentro das nosas posibilidades á promoción económica e a creación de emprego, a dinamización da vida social e cultural, e a posta en valor dos nosos recursos turísticos e o noso patrimonio. É de salinetar a creación dunha nova partida de 10.000 para Turismo e promoción económica, que a area de cultura pasa de 4.000 euros a 21.000 e que se destinan 105.000 euros a creación de emprego.
A inversión no mantemento das infraestructuras e na dotación de máis servizos aos nosos veciños e veciñas, xunto co mantemento e a mellora dos edificio e espazos públicos para o uso intensivo por todos e todas, supoñen o esforzo económico máis salientable das actuacións planificadas para o ano 2016.
Os investimentos ascenden a 411.000 euros, dos cales 136.000 son para accesos a núcleos de poboación, 110.000 para saneamento, 25.000 para equipamentos deportivos e 65.000 para actuacións no Pazo, no edificio do Antiguo Concello e na Escola Infantil.
NOTICIAS DE BARRO 