O 17 de decembro terá lugar a I BTT Camiños de Barro, unha proba cicloturista organizada polo concello de Barro e o Club Ciclista Ribadumia, coa colaboración da Federación Galega de Ciclismo.

A ruta, que se desenvolverá integramente dentro do concello de Barro e que irá pasando por distintos lugares de interese paisaxísitco, natural e patrimonial, contará cun percorrido de 40 km e 1.200 metros de desnivel positivo acumulado na modalidade longa e con 30 km e 800 m de desnivel na modalidade curta.

A BTT contará cunha sorpresa na parte final do percorrido, pois dentro da proba haberá unha cronoescalada nun treito de 600 metros ao 16% no monte Acibal, nun duro e coñecido segmento denominado “O Inferno de Perdecanai”, onde os/as ciclistas máis rápidos/as e que cheguen con mellores pernas a este punto competirán por premios nas distintas categorías.

✍🏻 As inscricións realizaranse a través da Web da Federación Galega de Ciclismo e abriranse o luns 6 de novembro: https://fgalegaciclismo.es/index.php/smartweb/inscripciones/prueba/27775-CAMINOS-DE-BARRO

Anuncio DOG nº204 de 26/10/2023 bases e da convocatoria para cubrir unha praza de operario de servizos múltiples mediante o sistema de concurso-oposición

🧠 𝗖𝘂𝗿𝘀𝗼 𝗱𝗲 𝗺𝗲𝗺𝗼𝗿𝗶𝗮

Curso de memoria en colaboración coa Cruz Vermella:

🟢 Destinatarios/as: Persoas maiores de 65 anos
🟢 Datas de celebración: Os luns desde o 2 de outubro ata o 27 de novembro de 2023
🟢 Horario: De 17:00 h a 18:30 h
🟢 Lugar de Celebración: Salón de Plenos do Concello de Barro
🟢 Inscricións: Oficina de Servizos Sociais do Concello de Barro

“DEPOrte Escolas” é un programa deportivo gratuíto da Deputación de Pontevedra en colaboración e coordinación coas federacións deportivas para contribuír ao desenvolvemento e fomento da actividade deportiva en idade escolar.

Modalidades de “DEPOrte Escolas” no Concello de Barro: Taekwondo.

👉A quen está destinado
A única condición que tes que cumprir é ter moitas ganas de pasalo ben practicando a túa modalidade deportiva preferida.

As escolas estarán destinadas a nenas e nenos en idade escolar de toda a provincia de Pontevedra.

👉 Formalización da inscripción EN BREVE.