O grupo de goberno de Cambados deu hoxe a benvida ao novo Comandante do posto da Garda Civil de Cambados, José Santiago Romay Roel.
O Tenente, que xa se incorporou ao traballo o pasado luns, é natural de Barro e estivo 4 anos destinado en Sanxenxo e 7 anos en Cangas.
Santiago Romay chega a Cambados para sustituir ao anterior comandante José Antonio Rivero que o pasado mes de novembro conseguiu un ascenso e tivo que deixar a vila do albariño.
A alcaldesa, Fátima Abal, os concelleiros de goberno, José Ramón Abal, Tino Cordal e Xurxo Charlín e o inspector xefe da policía local, Maxi Cid, tuveron está mañana a primeira toma de contacto co novo Comandante e xa lle transmitiron a súa colaboración.
Arousa Radio:
https://m.facebook.com/story.php?story_fbid=956170461217254&id=107945482706427
Así de claro o ten esta nena de once anos despois de asistir esta mañá a unha charla da Garda Civil sobre a violencia de xénero. Foi no seu propio colexio, en Barro.
Así de atentos escoitaban as explicacións da Garda Civil sobre a violencia de xénero os alumnos de quinto e sexto de primaria do Colexio Amor Ruibal, en Barro. Durante a charla, que durou algo máis dunha hora, tratáronse temas como os factores que podían conducir a unha agresión física ou psicolóxica cara á muller, os procedementos a seguir dende que se denuncia dita situación e os servizos que existen para as vítimas.
Estas charlas coinciden coa publicación por parte do Observatorio contra a Violencia Doméstica e de Xénero do Consello Xeral do Poder Xudicial dos datos de 2017, ano no que a pesar de que Galicia presentou unha das taxas máis baixas de mulleres victimas de violencia de xénero, cunha media de 42 denuncias presentadas por cada 10.000 mulleres, aumentou de maneira destacable o número de denuncias interpostas a menores de idade por violencia contra a muller.
Os alumnos resaltan a importancia de actos coma este e parece que lles quedou a lección aprendida.
Durante a xornada tamén puideron aprender dunha charla sobre acoso escolar, outro dos temas tratados dentro do Plan Director implementado pola Garda Civil para a mellora da comunicación e a seguridade nos centros educativos e os seus entornos, mediante o que ademais deste colexio, xa visitaron outros moitos da zona de Pontevedra e Vilagarcía.
O cruceiro de Faxil, situado na parroquia de Agudelo no Concello de Barro, leva máis dun ano co varal torcido sen que ningunha administración se faga cargo da restauración deste ben cultural, segundo denuncia o colectivo pola defensa do patrimonio A Forneiriña.
Esta asociación presentaba denuncia ante a Consellería de Medio Rural, titular da parcela sobre a que se atopa situado este cruceiro, incluída no fondo de terras polo proxecto de concentración parcelaria.
A Forneiriña puxo en coñecemento da Consellería de Cultura a ausencia de atención que está practicando o Concello de Barro en relación ao coidado do patrimonio. Denuncian que tanto o anterior goberno local do Partido Popular como o actual, baixo o mandaato do bipartito formado polo BNG e o PSOE, evítase o coidado dos cruceiros co conseguinte risco.
Durante máis dunha década o cruceiro de Vilar situado no lugar de Valbón na parroquia de Agudelo no borde do camiño portugués estivo torcido provocando unha situación de grave perigo para a integridade do vecindario, segundo relata esta asociación.
A Garda Civil detivo a dous veciños de Cangas e Cesantes como supostos autores de varios delitos de roubo de gasoil e baterías de camións, en distintos puntos da provincia de Pontevedra.
As investigacións iniciáronse a raíz da denuncia presentada o pasado mes de outubro no posto da Garda Civil de Pontevedra, polo propietario dunha empresa situada en Vilaboa. Segundo o relato do dono da empresa, subtraéronlle o combustible dos depósitos do gasoil de varios camións que se atopaban estacionados no interior da pechadura perimetral da industria, así como as baterías dos mesmos.
As grabaciones das cámaras de video-vixilancia da empresa facilitaron datos que, aínda sen ser de especial relevancia debido á deficiente resolución das imaxes, permitiron establecer unha liña de investigación para o esclarecimiento dos roubos.
A raíz das indagacións realizadas polo Equipo de Investigación da Garda Civil pertencente á Compañía de Pontevedra, púidose pescudar que tanto as características do vehículo como das dúas persoas que se ven nas grabaciones, correspondíanse cos ocupantes dun vehículo que fora interceptado o día 1 de xaneiro en Barro por unha patrulla da Garda Civil de Vilagarcía de Arousa. No interior deste vehículo levaban 6 garrafas baleiras, dúas pasamontañas e unhas tenazas.
Coa localización e detención destas dúas persoas, S.L.L., de 50 anos, veciño de Cangas, e J.F.R., de 31 anos, veciño de Cesantes, a Garda Civil identifícaos como supostos autores doutros roubos de gasoil e baterías en distintas localidades da provincia. Desde o mes de outubro do ano pasado atribúeselles a autoría dun total de 12 roubos cometidos en distintos municipios da provincia, como son Vilaboa (5 roubos), Ponche Caldelas (2), Poio (2), Marín (1), Moaña (1) e Cangas (1). O montante do subtraído ascende 1.780 litros de gasoil e 33 baterías de camión.
As dilixencias instruídas entregáronse no Xulgado de Instrución de Garda de Cangas.
NOTICIAS DE BARRO 