Axentes da Garda Civil compareceron na tarde de onte no mercado dominical de Barro onde localizaron e incautáronse de distintas cantidades de roupa de marca falsificada.

A actuación enmárcase na loita contra a fraude desenvolvida polas Forzas de Seguridade do Estado e ten como obxectivo retirar do mercado copias falsificadas. As compañías denuncian estes casos ao entender que os vendedores ambulantes forman parte dunha cadea que fixo do delito contra a propiedade industrial unha das súas principais fontes de ingresos e ademais tamén entenden que danan a súa imaxe.

Entre a mercadoría incautada está a dun vendedor que hoxe mesmo, a través da Asociación de empresarios e comerciantes ambulantes de Galicia, ten previsto presentar unha queixa ante a Subdelegación do Goberno polo que considera un “abuso” dos gardas civís xa que “viñeron catro patrullas e me deixaron sen nada, eu lles entreguei trinta pantalóns de Adidas que tiña falsos pero eles volveron e se levaron todo, camisetas, chándales,… aínda que era roupa sen marca, era roupa legal que podía vender” explica.

Un atropelo

Considera este vendedor, e así tamén o entende a asociación da que forma parte, que é vítima dun atropelo policial xa que “se levaron as 400 pezas que tiña e non me deron unha acta do que recolleron, nin nada” sinalaba polo que “eu non sei a quen teño que reclamarlle a mercadoría”, engadía. Aseguraba onte que sentía que “me roubaron”.

A Asociación de empresarios e comerciantes ambulantes -integrada na Sociedade Xitana en Galicia- acompañará o vendedor na súa queixa ante a autoridade gobernativa. Ademais reclamarán a roupa incautada na súa opinión de forma “chula e agresiva”.

http://www.farodevigo.es/portada-pontevedra/2014/06/09/guardia-civil-incauta-ropa-marca/1038833.html

Preto dun centenar de veciños de Caldas participaron nunha xornada campestre no parque Ría Barosa, en Barro. A Concellaría de Benestar Social organizou unha xornada para maiores. Unha trintena deles, do Fogar do Maior, fixo a piei o percorrido dende Caldas a Barosa seguindo o Camiño Portugués, mentres outro medio centenar o fixo en autobús. Tras o xantar, baixo unha carpa, os asistentes, aos que se sumaron o alcalde, Juan Manuel Rey e a concelleira Socorro Tobío, houbo xogos, música e un bingo para entreter a tarde.

http://www.farodevigo.es/portada-pontevedra/2014/06/08/jornada-campestre-vecinos-caldas-parque/1038502.html

Cun currículo exemplar, foi o director xeral máis novo no Goberno

Un galego na corte de Felipe VI. Tras case vinte anos á sombra do príncipe, a inminente proclamación de Felipe de Borbón como rei de España fixo que todos os focos se pousen sobre o seu principal colaborador en pazo, Jaime Alfonsín. Focos dos que fuxiu en todos estes anos nos que se esforzou por permanecer nun discreto segundo plano, para evitar calquera tropezóns que puidese prexudicar de forma indirecta ao herdeiro.

Fillo dun inspector de Facenda e dunha farmacéutica, Jaime Alfonsín Alfonso naceu en 1956 en Lugo, de onde era a súa familia materna -coñecida na cidade das murallas porque un irmán da súa avoa, Emilio Alfonso, era un médico moi afamado-, aínda que toda a súa vida se desenvolveu en Madrid. De feito, familiares afastados consultados por este xornal non tiñan constancia de que tería nacido en Lugo, como certifica a biografía oficial colgada na web da Casa Real.

Aínda que o seu día a día transcorría en Madrid, onde realizou os seus estudos universitarios e desenvolveu a súa carreira profesional, Alfonsín mantivo o seu vínculo con Galicia, especialmente con Pontevedra, onde veranea dende que era un neno, e onde aínda ten familia. Malia que os seus pais xa faleceron -están enterrados na parroquia de Porráns (Barro), de onde era orixinario o seu proxenitor-, segue vindo todos os anos a Sanxenxo.

Brillante e humilde

Amigos da adolescencia destacan del que é un «moi bo amigo, pero sobre todo un tipo humilde», que non presumía nunca dos seus logros malia a brillantez que o levou a rematar a carreira de Dereito co premio extraordinario da súa promoción e a converterse no director xeral máis novo no Goberno español aos 26 anos.

«Cando te presentaba aos seus pais sempre te poñía polas nubes, e valoraba moito calquera cousa que fixeses», explican esas fontes, que subliñan que, no aspecto lúdico, era un gran xogador de tenis que gañou con só 17 anos un dos primeiros torneos que se celebraron no Casino de Pontevedra, cidade na que cada ano acudía ao baile da Peregrina, posta de longo das adolescentes locais, aínda que tamén frecuentaba coa súa cuadrilla as verbenas populares.

Alfonsín, casado e con dúas fillas, ten dúas irmás, Isabel e Cristina. Esta última é farmacéutica como a súa nai e ao seu nome figura unha céntrica botica en Madrid, ao lado da Praza Maior, onde onte recibiron máis dunha chamada interesándose polo perfil de quen parece chamado a ocupar un posto destacado á sombra do futuro rei. Pero a discreción parece que vén de familia…

http://www.lavozdegalicia.es/noticia/espana/2014/06/05/discreta-sombra-heredero/0003_201406G5P6992.htm?utm_source=buscavoz&utm_medium=buscavoz

Grazas ás xestións da Anpa e o Concello de Barro os nenos do CEIP Amor Ruibal gozaron das leciones de educación viaria dos polis Paco e Loli, que se desprazaron dende Sanxenxo a Barro, grazas á colaboración do primeiro dos concellos, para compartir uns momentos moi agradables e á súa vez frutíferos. Dende o CEIP Amor Ruibal falicita por esta iniciativa á Concellaría de Seguridade Cidadá de Sanxenxo e aos policías locais Abelardo e Manuel, creadores e actores desta.

http://www.farodevigo.es/portada-pontevedra/2014/06/03/ninos-ceip-amor-ruibal-disfrutan/1035129.html

Un grupo de mozos e rapaces do lugar de Briadoiro, parroquia da Portela, motivados pola actual Xunta de Montes, están a limpar e recoller o río “do Briadoiro”. Moreas de escombro (cascotes, ladrillos, uralitas, ventanas, etc.) que o longo destes anos foron arroxando de forma indiscriminada, convertendo este fermoso lugar nun vertedoiro incontrolado. Salientar que recollen todo á man ó longo do río, xa que as enchentas do inverno arrastraron o escombro ó longo de aprox. 200 mts. Este e o tipo de accións, segundo a miña modesta opinión, deberían ser premiadas, xa que contribúen a mellor imaxe do concello. Gustaríame comentar de paso, que por fin se van a acometer as obras neste mesmo sitio, que os veciños estábamos fartos de reclamar. Debido á gran cantidade de auga caída no inverno,  dende fai case 2 anos, produciuse un corremento de terra que taponou o río; este circula pola pista de acceso ó monte sen control, tirando tamén con parte do vello muíño da Costa, e provocando a rotura de  mangueiras da auga dalgún veciño, e polo que resulta imposible acceder ó monte por este lugar. Xente xoven, con ilusión, principios, con ganas de traballar  e de cambialas cousas. Parabéns pola vosa xestión.