SUSPÉNDESE A III GALA SOLIDARIA DE CURRO
Queremos comunicar, que como consecuencia do falecemento dun veciño, membro da nosa Comunidade, suspéndese a Gala que se ía celebra-lo vindeiro domingo 10 de maio.
Transmiti-las nosas condolencias aos familiares.
E a tod@s vos, que fixestes posible que este evento se difundira, darvo-las grazas por axudarnos.
Marcial, DEP.
O PP de Barro presentou a candidatura coa que José Antonio Landín aspira á alcaldía. Serán as cuartas eleccións municipais para o médico xubilado e actual rexedor do municipio. Acompáñano nos postos de cabeceira María Teresa Roig, Jesús Manuel Moreira, María Dores Martiñán, Emilio Ucha, Manuel Rivas Reboredo, José Cons e Modesto Axude.
O accidente aéreo acontecido polo pasado 26 de outubro en Barro, que provocou feridas graves os catro ocupantes dunha avioneta, debeuse á “incorrecta xestión de combustible durante e l voo, que conduciu ao esgotamento do carburante do depósito con que se alimentaba o motor e que produciu a súa parada,”. Así se conclúe no informe técnico final sobre este accidente elaborado pola Comisión de Investigación de Aviación Civil (CIAIAC). O documento puntualiza que “non” se encontrou ningunha outra evidencia que puidese explicar a parada do motor”. Descártase unha avaría mecánica e atribúese o sinistro “a unha estimación errónea do volume de carburante na inspección prevoo”. A aeronave e a documentación do piloto estaban en regra.
A Piper PA–PA-28R-180-180 de uso privado, realizou unha aterraxe de emerxencia nas inmediacións da AP-9 en Barro tras unha parada repentina do motor. Na manobra, a pericia do piloto evitou unha traxedia. A bordo viaxaban catro persoas, que saíran media hora antes do aeroporto de Vigo para realizar unha ruta turística polas Rías Baixas. Todos eles quedaron feridos de gravidade. O piloto era Sergio Lloves Castro, de 50 anos e veciño de Redondela, pai do porteiro do Pontevedra Club de Fútbol. Os pasaxeiros eranAlberto Sánchez Alonso, de 43 anos, veciño de Porriño; Josefa Estévez Calvo, de 41 anos, tamén de Porriño; e Beatriz R. M., de 52 anos e veciña de Vigo.
O avión saíu sobre as 11.20 horas e ás 11.28 “produciuse a última comunicación”. Trinta minutos despois tivo lugar o accidente cando o piloto “percibiu que o motor perdía potencia e se paraba”. O piloto, segundo o informe, “cambiou a chave de combustible ao depósito do lado esquerdo e intentou arrancar sen éxito. Seguidamente volveu cambiar a chave ao depósito do lado dereito”. Ao non conseguir arrancar a avioneta, preparouse para aterrar. Os técnicos comprobaron que o sistema de combustible do depósito da esquerda dispoñía de pouco máis da metade da súa capacidade, uns 53 litros, mentres que no da dereita había un volume inferior á non utilizable.
Unha vez máis, o descenso do desemprego foi xeneral na bisbarra pontevedresa, onde só houbo dúas excepcións: Barro, que viu a súa lista do paro incrementada en catro persoas, e A Lama (+6).
No resto de concellos abril deixou tras de si novos empregos, destacando os casos da propia Pontevedra, Poio (que pechou o mes con 82 desocupados menos), Vilaboa (-26) e Cotobade (-24).
En total a bisbarra reúne 12.179 persoas sen traballo (324 menos que en marzo) e segue o ronsel do acontecido nos concellos de arredor, onde a tónica xeral foi a creación de emprego.
Chaman a atención os concellos que integran as bisbarras doSalnés e O Morrazo, nos que a baixada do paro foi común a todos eles. Tamén é salientable o caso da bisbarra de Caldas de Reis, onde só un concello (Moraña) rompeu a tendencia á baixa con seis desempregados máis que en marzo. PROVINCIA. A nivel provincia o paro descendeu en 2.680 persoas, situando o cómputo total nas 97.695 persoas, e a nivel das grandes cidades de Galicia, máis do mesmo. Todas elas experimentaron unha diminución da desocupación, axudadas polo tirón da Semana Santa e a creación de novos postos.
Por outro lado, a Asociación de Traballadores por Autónomos de Galicia (ATA) informou onte de que todas as provincias galegas gañaron persoas inscritas por conta propia na Seguridade Social, o que tamén explica o aumento das afiliacións. Entre elas está incluída Pontevedra, onde sitúa 176 autónomos máis (tras un crecemento do 0,3%).
PORTADECONDE. Nacido o 17 de abril de 1788 nunha familia que cualificou como de «escasa fortuna», no lugar de Portadeconde, Domingo Fontán cursou os seus primeiros estudos en dous lugares do lindante municipio de Barro, Baliñas e Búa. A súa vida deu un xiro aos doce anos, cando un tío seu, o sacerdote Sebastián Rodríguez, se fixo cargo da súa educación.
Baixo a tutela do ensotanado iniciou unha nova etapa a cabalo entre Noia, unha localidade na que florecía o comercio e era a referencia das actividades que se desenvolvían en Lousame, e Teoloxía, Matemáticas, Astronomía, Dereito, Filosofía e linguas Españolas e Francesa figura no expediente académico de DomingoFontán, que foi secretario da Deputación de Galicia e deputado en Cortes, e elaborou a primeira Carta Xeodésica siguendo un método científico.
O papel do xeógrafo de Portas
ENTRE VIAXE E VIAXE por Galicia, para elaborar o seu primeiro mapa, o xeógrafo e matemático de Portas Domingo Fontán Rodríguez tivo tempo para dedicarse á elaboración do papel na fábrica do Castro, situada no municipio coruñés de Lousame. Non foi o seu fundador, como figura en numerosos textos, e de aclaralo encargouse o seu tataraneto e presidente da fundación que estuda a súa obra e legado, Miguel Ángel Camargo, con motivo dunha homenaxe que lle foi tributada en Santiago, senón que se ocupou da súa dirección no período comprendido entre 1820 e 1823.
Da actividade realizada na factoría que se alimentaba dos ríosVilacoba e San Xusto é posible facerse unha idea observando o grandioso edificio ocupado pola factoría, de planta rectangular, con cuberta a dúas augas e case un centenar de ventás dispostas seguindo un criterio funcional, xa que servían para ventilar o interior do inmoble, composto por baixo e catro niveis.
A auga, recollida río arriba, chegaba a través dunha canle de pedra de gran capacidade e notable lonxitude. A papeleira, asentada sobre un castro, foi fundada no ano 1863 e depositaria do encargo de fabricar o papel de oficio utilizado polo Goberno, indica Carré Aldao no seu libro ‘Xeografía do reino de Galicia’.
Daquel tempo mantense a estrutura do edificio que figura como un ben catalogado, coa súa balconada sobre un pórtico sostido por ménsulas e piares de canterías que parecen desafiar o paso do tempo. As árbores crecen entre as catro paredes que se manteñen en pé, como testemuño silencioso dun tempo en que a industria florecía nas beiras dos ríos, primeiro papeleiras, curtidores e muíños, e despois serradoiros, antes de dar paso ao abandono.
O municipio de Barro acolle a “III Gala Solidaria” que terá lugar o próximo domingo en Curro. Baixo o lema “Música por alimentos” a partir das cinco da tarde celebrarase unha gran verbena coa participación das orquestras Capitol, Passarela, D ´ Moda e América.
Os asistentes ao evento deberán facer entrega á entrada de, polo menos, un quilo de alimentos non perecedoiros que se recollerá no campo da festa.
Esta gala solidaria comezará ás catro e media da tarde coa Festa do Neno, na que haberá atraccións para todas as idades, con prezos populares e estenderase ata o anoitecer.
Co que se recade neste festival de orquestras preténdese axudar as persoas máis necesitadas do municipio, e en especial daquelas que residen na parroquia de Curro.
A organización, entre os que se encontran a Comunidade de Montes de Curro, Iluminacións Umia e Galicia Espectáculo, anuncian que haberá polbo e churrasco para os asistentes a prezos populares.
O festival terá lugar no campo da festa de Curro e en previsión de mal tempo instalarase unha carpa para acoller a actuación destas catro orquestras.
NOTICIAS DE BARRO 