Xa pasaron case dous meses e medio desde as últimas eleccións municipais, tempo suficiente como para que os novos Gobernos locais coñezan con exactitude a situación económica dos seus concellos. Tras a alegría da vitoria, moitos deles topáronse de fronte cun panorama moito menos alentador: partidas esgotadas, arcas baleiras e, nalgúns casos, facturas pendentes.
Noites no Camiño, un ciclo de música entorno ao Camiño de Santiago ao seu paso por Barro. O primeiro dos concertos, este venres ás 22.30h aBanda De NASH actuará no San Amaro; e o día 21 ás 21.30h, diversos grupos da BXB actuarán en Valbón. Espazos onde nunca antes se tivera programado e onde a posta en valor do Camiño é unha obriga.
A intención do goberno local é que a obras comecen de xeito inminente para que estean 
rematadas no prazo dun mes. «A mediados ou finais do próximo mes deberían estar listas», sostén o alcalde de Barro, Xosé Manuel Fernández Abraldes (BNG).
O motivo que levou ao equipo de goberno a solicitar este crédito radica na necesidade de emendar unhas deficiencias que presentaba esta recentemente estreada infraestrutura.
Aínda que a cuberta da bancada xa leva días lista para implantarse, uns defectos nas ancoraxes que han de soportar o peso do devandito tellado obrigaron a dilatar esta fixación ata construír uns novos.
Doutra banda, é necesario adaptar a instalación eléctrica do campo para conectalo á liña de media tensión e poder dotar de luz ao estadio.
A corporación de Barro na ultima sesión plenaria ordinaria na que se decidiu a modificación do proxecto do campo de fútbol para executar melloras no equipamento. Ademais de aprobar a conta xeral, o goberno local sacou adiante outras dúas mocións. Unha en rexeitamento do copago no centro ocupacional de Saiar e outra para solicitar o mantemento da consulta de pediatría durante os meses de verán.
A modificación do proxecto do campo de fútbol era necesaria para poder conectar a infraestrutura á rede eléctrica. Ademais, a colocación da cuberta da bancada estaba pendente da instalación dunhas ancoraxes adecuadas. Tras recibir o crédito necesario e coa aprobación destes cambios, a obra poderá dar comezo nos próximos días e o custo roldará os 14.000 euros.
Unha iniciativa do goberno local é elevar a Sanidade unha moción na que se solicita a reposición durante os meses de verán da consulta de pediatría no centro de saúde. Coas vacacións do médico titular, os usuarios quedan sen consulta do pediatra durante os meses de verán. Unha situación que incomoda aos veciños.
Tamén quixo sumarse a corporación ao movemento encabezado polo concello de Caldas para evitar a implantación do copago no centro ocupacional de Saiar, unha medida que afecta a usuarios de Barro.
NOTA PEDIATRA.PDF
A presidenta da Deputación, Carmela Silva, denunciaba onte que a “actividade frenética” de Rafael Louzán no seu último mes de como presidente deixou á institución “sen recursos”. Unha medida que sorprendía tamén ao vicepresidente, César Mosquera, que cualificaba de “pouco elegante” a situación por parte do goberno saínte.
Deste xeito Silva informaba sobre a situación das contas da administración provincial. Do Plan Provincial de Obras e Servizos, indicaba a presidenta que do seis millóns de euros de libre disposición, “quedan 245 euros”, mentres que os 1,5 millóns de libre concorrencia, o anterior goberno xa adxudicou todos, “por tanto estamos a cero”, sinalou Silva.
En canto ao Plan de Acción Municipal, dedicado a actividades culturais, deportivas e sociais, a dotación da partida de 800.000 euros en concorrencia e 200.000 en libre disposición, quedan 45,12 e 18.833 euros, respectivamente, e que xa están adxudicados. O mesmo ocorre co Plan de Acción Comunitaria, dotado cun millón de euros para asociacións e entidades sen ánimo de lucro, que contan a mes de xullo con 65,18 euros para xestionar no resto do ano.
“Consumíronse total e absolutamente a xullo de 2015 todas as partidas”, declaraba Carmela Silva, que se negou a cualificar “esta actividade frenética para repartir os fondos” por parte de Louzán, sinalando que “o anterior goberno non tivo a ben permitir que houbese recursos para que no semestre que queda o novo goberno puidese tomar decisións para pór en marcha as novas políticas” o que “non porá freo a este goberno, todo o contrario, dános impulso”, concluíu. Nese sentido, Mosquera sinalou que agora se poderán traballar no novo orzamento “con calma” e engadiu que esta situación “ten pouca transcendencia para o futuro”.
Con exemplares deste diario, os participantes deste taller melloran a súa atención buscando imaxes ou resumindo textos
A sede da Comunidade de Montes da Portela, en Barro, acolle desde onte un taller de memoria destinado a potenciar a atención, o razoamento e a comunicación das persoas maiores deste municipio.
A particularidade deste obradoiro radica en que os exercicios, ideados polo gerontólogo Miguel Anxo Álvarez, realízanse con exemplares de La Voz de Galicia. Unha práctica que, ademais de contribuír a mellorar o nivel cultural dos alumnos, permite completar actividades entretidas ademais de eficaces.
O taller, que tivo onte a súa primeira sesión, celebrarase os martes e xoves desta semana e a próxima en horario de 20 a 21.30 horas.
O traballo diario realizarase en parellas para fomentar a competitividade e as relacións sociais. Afirma o director do curso que «en cada sesión haberá entre 20 e 25 cuestións de complexidade ascendente e deseñadas tamén para presentas analfabetas».
En outubro, celebrarase un novo curso de catro meses de duración.
pleno barro.pdf
O dos alcaldes e as gravatas paréceme un tema un pouco trillado xa, a verdade, pero posto que algúns medios gastan litros e litros de tinta en escribir sobre as ocasións nas que Kichi, o novo alcalde de Cádiz, xa saben, o de Podemos, aparece sen esta peza, direilles que o alternativo, o genuino, o sen gravata por excelencia é Lores?.
Si, Kichi, si. Si necesitas saber algo de traxes alternativos ao clásico uniforme de alcalde, e o meu Lores tes un mestre desde fai anos e unha referencia para toda a vida.
Hai pouco escribiron, de feito, que o alcalde de Cádiz púxose por primeira vez a gravata para oficiar unha voda, ao entender que o casamento duns cidadáns era unha ocasión máis que sinalada para a etiqueta. Pois eu non sei si o meu Lores púxose a gravata desde o día da sua investidura. Este verán, en especial, parece Ltener moi a man a súa camisa de manga curta estilo guayabera e aparece en grao sumo caribeño día si, día tamén.
¡Menos mal que para a súa cita de onte co presidente non optou polo aire cubanos! Aínda que, iso si, deixou só ao presidente no que a gravatas se refire. Imos, que apareceu en traxe, pero co botoncito de arriba da camisa aberto, en plan fresquito.
Pero si Kichi quere copiar exemplos de anticorbatismo, aquí na comarca pódolle ofrecer uns cantos. Temos en Ponte Caldelas, que é un alcalde que nunca renuncia á americana, pero que poucas veces se encorbata, e tamén a Fernández Núñez Feijóo, Andrés Díaz, Abraldes,
o de Barro, o alcalde tranquilo, que é dos que ata copiarían a o meu Lores no da guayabera. Agora, si hai un que é xuvenil, xuvenil e que pasa de nuditos, lacitos e pantalóns de pinza, ese é o de Vilaboa, que non cambia a súa cazadora vaquera por nada do mundo e ben que lle senta, por certo.
NOTICIAS DE BARRO 