Os problemas de seguridade vial do núcleo urbano de San Antoniño son unha preocupación constante dos veciños e veciñas de Barro, sobre todo o cruce da N-550 coa rúa Areal que da acceso ó Tanatorio, rúas do núcleo urbano e outros lugares do municipio.
O Alcalde de Barro, Xosé Manuel Abraldes, mantuvo no día de hoxe unha reunión co Xefe da Unidade de Carreteras do Estado en Pontevedra para buscar a solución definitiva á perigosidade que supón o cruce, para o que existen diversas posibilidades. Nos vindeiros días serán remitidas ó Concello as solución técnicas para o seu estudio.
Ademáis tamén se tratou a necesidade de completar as beirarúas da zona da farmacia, pois hoxe en día os peóns que transitan pola mesma deben baixar ó arcén ó non haber continuidade das existentes.
Sete anos de traxectoria deportiva ten o Terras de Curro nas ligas da Asociación de Futbolistas Veteráns de Pontevedra. Un proxecto xurdido do Fátima de Vilagarcía do nutrido grupo de xogadores do concello de Barro que entón militaban no cadro arousán, decididos a emanciparse vendo que o de xogar unha agradable pachanga sabatina era cousa que reunía o interese de máis xente da súa parroquia de orixe. Xunto con outro grupo de futbolistas do veciño concello de Meis co que compartían vestiario no Fátima, e capitaneados por José Sanmartín, o Terras de Curro botaba a andar na campaña 2009/10.
O certo é que o conxunto que nos ocupa, hoxe na Terceira B das Ligas de Veteráns de Pontevedra, é tan de Barro coma de Meis. Do primeiro leva o nome da parroquia que o identifica, e no segundo recibe aos seus rivais. Concretamente, no campo de Zacande.
«Fumos xogar alí porque en Curro non tiñamos onde facelo, e Zacande nos quedaba preto», explicaba onte Casimiro Outón Fernández. Un dos cinco veciños de Meis que militan hoxe no Terras de Curro e actual delegado do mesmo. Función esta, a de referente do conxunto, na que encheu o baleiro deixado tras a marcha de José Sanmartín, que hai uns dous anos se centrou na súa faceta política, encamiñada desde as eleccións municipais do 2015 na tenencia de alcaldía do Concello de Barro dentro do grupo socialista coaligado co BNG.
Polo uso das instalacións de Zacande o Terras de Curro págalle ao veciño Concello de Meis un aluguer anual. O ano pasado, duns 220 euros. Unha cantidade que, en todo caso, o equipo de Barro paga gustoso. «Estamos encantados. Sen plans de mudanza. Mentras nos deixen xogar, alí seguiremos», comenta Casimiro Outón, que como ao resto dos seus compañeiros di do alugueiro meisino que «nos parece xusto» ao saír a uns 15 euros o partido «que poñemos entre todos».
O grupo de amigos, como define o seu delegado o Terras de Curro, gozou ao longo destes sete anos non só do mero divertimento semanal que, como na maioría dos conxuntos das ligas da Asociación de Futbolistas Veteráns de Pontevedra, perseguen coas súas reunións sabatinas. Nas súas catro primeiras tempadas experimentaron ademais tres ascensos, desde a entón sexta división á terceira. Agora, con sete grupos e catro categorías, o Terras de Curro figura encadrado no Grupo 3.º B. Ocupando a decimoterceira praza nunha Liga de 18 equipos con 22 puntos en 22 partidos e a única aspiración de manter a categoría.
fútbol veterán
O vindeiro xoves, 18, todos os/as veciños/as que poidan e desexen doar sangue,
sabede que a unidade mobil encontrarase frente o centro de saúde, no San Antoniño, das 16:00-21:00.
Moitas grazas, lembrade que só 10 minutos salvan vidas.
Mais información no 900 100 828.
O goberno municipal de Barro vai destinar o edificio do antigo concello a centro cívico. Deste xeito poranse en uso tódolos equipamentos cos que conta o Concello,“conseguindo desta maneira que non se sigan deteriorando e que os veciños poidan dispoñer deles”, sinalan nun comunicado oficial.
O edificio que albergaba a antiga Casa Consistorial atópase en desuso polo que se pretende a súa reforma para convertelo nun centro cívico do que neste intre carece o municipio de Barro, e que lle permitirá ós distintos servizos municipais e as entidades ofertar diversas actividades a realizar nel, dirixidas ós colectivos sociais e ó vecindario en xeral.
As actividades previstas son as relacionadas fundamentalmente cos servizos sociais: actividades de convivencia e cursos para a xente maior, a xuventude, ou actividades de esparexemento, entre outras.
O Concello de Barro pretende levar a cabo as obras necesarias e urxentes para a súa conservación, mellora de eficiencia enerxética, dotación de baños para persoas con discapacidade e eliminación de barreiras arquitectónicas.
O proxecto aprobado ascende 25.534,41 euros e o goberno local vai solicitar unha axuda económica a Xunta de Galicia.
Suporá o cambio da carpintería exterior, que se atopa en moi mal estado e que ademáis de filtrar auga debido a súa podredume, pérdese por ela boa parte do calor; dotar de baño adaptado para o uso por persoas con discapacidade; a mellora da accesibilidade coa construcción dunha rampa que cumpra a normativa técnica; ademáis do pulido de pisos, pintado e adecentado interior do edificio.
fonte:
http://pontevedraviva.com/xeral/25550/barro-vai-destinar-edificio-antigo-concello-centro-civico/
NOTICIAS DE BARRO 