“Ladróns afeccionados á cría de aves ou demasiado avariciosos? A Garda Civil debe resolver o estraño roubo producido no concello de Barro na madrugada do luns, que deixou practicamente baleira a gaiola dunha familia afeccionada a criar canarios.
Trátase do matrimonio composto por Mari Carmen Cacabelos e Jorge García, que reside en Perdecanai. Ambos deixaron todo en orde no garaxe exterior da súa vivenda o domingo, antes de irse a durmir, sen sospeitar que horas máis tarde un ou varios descoñecidos entrarían no inmoble para levar todo o que atopasen por diante, incluídos os canarios da gaiola.
“Faltan 30 aves e, nun compartimento máis pequeno, onde había un exemplar de máis valor e outros catro canarios comúns, levaron só o que era de raza especial, parece que sabían ben o que facían”, explicou, indignada, Mari Carmen. Para acceder á casa foi necesario que os asaltantes saltasen o muro do peche exterior.
A muller explica que o roubo de animais é o máis estraño “porque se ve que colleron unha gaiola máis pequena que tiñamos aquí, pero non lle podían caber todos, e tampouco escaparon”.
As persoas que entraron no galpón non se conformaron con este botín composto por unhas 30 aves máis o penso das mesmas, senón que tamén arrasaron con toda a maquinaria existente.
Así, levaron dous motosierras, outras dúas rozadoras, unha máquina cortasetos e unha hidrolimpadora de presión. Moitos dos aparellos subtraídos eran profesionais e os donos valoran o total da maquinaria perdida nuns 3.000 euros.
Aínda que axentes da Benemérita trataron o luns de tomar pegadas no lugar de onde faltaron animais e obxectos, non se puido illar ningunha marca dixital. A propietaria da casa sospeita que os ladróns usaron luvas e, polo modo de proceder, afirma que “non debían vir de moi lonxe e tiveron que ser varios, se non, non se entende como foron sacando a maquinaria polo muro”, afirma.”
“Pouco antes das seis da tarde de onte, un turismo que circulaba pola autoestrada AP-9 en dirección a Pontevedra sufriu unha saída de vía para, acto seguido, envorcar sobre o asfalto. A pesar da aparatosidade do accidente, que se produciu á altura do municipio de Barro, todos os ocupantes do automóbil puideron abandonalo polos seus propios medios sufrindo, en principio, lesións de carácter leve.
En calquera caso, ata o lugar do sinistro desprazouse, polo menos, unha ambulancia do 061, mentres que os axentes do destacamento de Tráfico de Pontevedra procedían a regular o tránsito por este punto da AP-9. Rexistráronse retencións.”
Aldaolado” é un dúo formado por María Lado e Lucía Aldao, mulleres que nos seus espectáculos, cargados de humor e crítica, mesturan poesía, historias e cancións.
Aldaolado teñen ás súas costas un largo recorrido por todo tipo de salas galegas, deixando constancia do seu bo facer con espectáculos de título imaxinativo: “Con dous poemas por barba”, “Onde estea un cubata que se quite un soneto”, ou “Moita poesía pouca diversión”.
Entrada gratuíta ata completar aforo.
O Tribunal Supremo acaba de confirmar a condena de seis anos de prisión contra un veciño de Barro, José Ramón S.C., ao que a Audiencia de Pontevedra condenara a esta mesma pena por un delito de abuso sexual a unha persoa que sofre unha discapacidad psíquica grave.
Ademais, condena a catro anos de prisión a un segundo acusado, tamén veciño desta localidade, que se valeu da súa ascendencia sobre a vítima para levalo á vivenda do primeiro acusado onde se produciron os abusos. Neste caso, a Audiencia condenouno únicamente como cómplice a unha pena de dous anos de prisión. Con todo, a acusación particular presentou recursos e, co apoio do fiscal, sostivo que este segundo imputado, Juan P.C., non actuou como un mero cómplice do primeiro acusado, senón que o seu labor foi máis ben a de cooperador necesario. O Supremo estimou este recurso, mentres que rexeitou o dos acusados, dictando esta nova sentenza na que mantén a condena de seis anos para o primeiro dos acusado e eleva de dous a catro a pena ao segundo implicado.
Idade mental de tres anos
O relato de feitos probados queda tal e como xa o estableceu a Audiencia de Pontevedra na súa primeira sentenza. Segundo o fallo, nos primeiros días de xuño de 2013 o acusado Juan P.C. “aproveitou a súa condición de certa familiaridad ou amizade” coa vítima (que tiña unha idade mental similar á dun neno de tres anos por este atraso mental grave que anula a súa capacidade para consentir unha relación sexual) para convencerlle de que lle acompañase a casa de José Ramón S.C.
O fallo sostén que, unha vez alí, dixéronlle que entrase nun galpón e alí José Ramón S. C. pechou a porta con chave forzouno sexualmente mentres que o segundo acusado observaba a través dunha fiestra. Os dous condenados deberán indemnizar á vítima destes feitos con dez mil euros, ademais de abonar as costas procesales.
NOTICIAS DE BARRO 