Dentro do Programa de Prevención de Drogodependencias e outras condutas adictivas dos concellos de Cuntis, Barro, Moraña e Portas, en  colaboración coa dirección Xeral de Saúde Pública (Consellería de Sanidade), realizaranse ó longo do mes de maio varias Xornadas de alimentación saudable co alumnado de 6º de EI e 1º de EP nos colexios e unitarias dos catro concellos.

A través destas Xornadas, e concretamente coas actividades Almorzos saudables (1º EP) e A froita tamén é doce! (6º de EI), preténdese fomentar no alumnado hábitos de alimentación saudable que contribuan a mellora da saúde do alumnado e asúacalidade de vida.

Ambas actividades realizaranse a través de xogos e dinámicas, mediante as cales, os nenos e as nenas poderán divertirse a vez que aprenden e descubren novos alimentos bos para a súa saúde. Para a realización da actividade Almorzos saudables cóntase coa colaboración de varias empresas da zona,CLESA, CELGA e CERVELA, que donaron diferentes produtos para conformar un almorzo saudable (iogures, queixo e pan, respectivamente).