Dentro do programa de prevención de drogodependencias e outras condutas adictivas dos concellos de Cuntis, Barro, Moraña e Portas, en colaboración coa Dirección Xeral de Saúde Pública, estes municipios conmemoraron o Día Mundial da Saúde.
Con este motivo, ao longo do pasado mes celebrouse o “I Certame de Debuxos Saudables” entre os alumnos de segundo de Educación Primaria dos colexios Aurelio, de Cuntis; Santa Lucía, de Moraña; Domingo Fontán, de Portas; e Amor Ruibal, de Barro. Tras a alta participación dos escolares, desde mañá e ao longo de todo o mes de abril en cada un destes concellos inaugurarase a exposición dos debuxos saudables participantes no certame.
Debuxo gañador
Na devandita exposición poderanse observar todos os debuxos, así como o gañador do concurso en cada un dos centros escolares e o díptico informativo sobre o Día Mundial da Saúde.
Así mesmo, mañá farase entrega dun díptico informativo a estes alumnos que tamén será subido á páxina web do catro concellos que participan no programa.
NOTICIAS DE BARRO 