O Instituto Nacional de Estatística (INE) elevou onte a definitivos os datos oficiais de poboación dos 14 municipios da comarca e confirmou un padrón total de 187.768 habitantes, o que supón un descenso de 477 veciños con respecto ao padrón anterior e a perda de poboación en dez deses 14 territorios. Á marxe da caída da natalidade e outros factores, unha das razóns desta redución demográfica sitúase na poboación estranxeira. Segundo os datos do INE, en toda a comarca apenas residen 5.449 persoas con nacionalidade doutros países, o que supón menos do 3% do censo total. Hai unha década, con mil habitantes menos en toda a comarca, eran algo máis de 5.500 os estranxeiros censados.
Pontevedra, con 2.796 orixinarios doutros países, concentra máis da metade de todo a poboación foránea da comarca e na capital dominan os procedentes de Marrocos ( 346), Brasil (305), Colombia (238) e Portugal (236), aínda que hai unha significativa colonia de senegaleses (149), chineses (138) e venezolanos (123).
Pola súa banda, en Marín, con 843 estranxeiros (o 3,4% do censo total, como en Pontevedra), a orixe máis habitual é o marroquí (189), a moita distancia dos 61 portugueses. O censo oficial do INE en Sanxenxo rexistra 429 orixinarios doutros países, e repítense as nacionalidades: 88 lusos e 36 de Marrocos, do mesmo xeito que en Poio. Dos seus 514 estranxeiros, 95 son do país africano e 42 do europeo.
Tras o catro municipios máis poboados aparece Caldas, con 248 estranxeiros e a continuación figura Vilaboa, con 176. O resto apenas suma 443 (o 8% do total): Ponte Caldelas (89), A Lama (83), Cuntis (67), Moraña (63), Cotobade (50), Barro (41), Portas (31) e Campo Lameiro (19).
NOTICIA COMPLETA PREME NO ENLACE:
NOTICIAS DE BARRO 