O Grupo de Danzas Amor Ruibal de Barro ven de renovar a súa directiva nunha asamblea celebrada este sábado 24 de outubro ás 19 horas no antigo local de ensaio.

A asamblea aprobou con 22 votos a favor e 7 en branco a única candidatura presentada, encabezada por Elena M Oubiña Fontan, que dende hoxe é a nova presidenta da agrupación, relevando no cargo a Gonzalo Negreiro Monteagudo.

Completan o novo equipo directivo, Rocío Touriño Reboredo como vicepresidenta, Belén Búa Seijo como secretaria, Silvia Torres Landín, tesorera e as vocais Adriana Nieto Fariña e Bea García Guimil.

A nova directiva do Amor Ruibal manterá unha liña continuísta para proseguir o bo traballo realizado ata o de agora por Gonzalo Negreiro, durante os anos que estivo dirixindo a agrupación folclórica de Barro.

O novo equipo expresa o seu agradecemento a Gonzalo Negreiro polo seu traballo á fronte da agrupación e á súa dedicación para que se mantivera como un dos grupos de danzas máis salientables da provincia.