Orzamentos hipotecados, partidas practicamente esgotadas e moitas facturas sen pagar nos concellos que cambiaron de rexedor

Xa pasaron case dous meses e medio desde as últimas eleccións municipais, tempo suficiente como para que os novos Gobernos locais coñezan con exactitude a situación económica dos seus concellos. Tras a alegría da vitoria, moitos deles topáronse de fronte cun panorama moito menos alentador: partidas esgotadas, arcas baleiras e, nalgúns casos, facturas pendentes.