Os dous ocupantes dunha furgoneta que circulaba na tarde de onte pola estrada de Vilagarcía, a PO-531, entre Pontevedra e a cidade arousá, puideron saír polo seu propio pé da furgoneta na que viaxaban despois de sufrir un aparatoso accidente que acabou co coche encaixado por detrás da varanda.
O accidente rexistrouse ao redor do catro da tarde no municipio de Barro, nas inmediacións da estación de ITV e unha estación de servizo.
O coche saíuse da vía por causas non determinadas en dirección á esquerda, polo que atravesou toda a calzada e acabou semivolcado, encaixado entre o valo protector da estrada e o noiro inmediato.
NOTICIAS DE BARRO 