A Audiencia Provincial de Pontevedra xulga esta mañá a unha sobriña do patriarca do clan dos Charlines. O fiscal pide cinco anos de cárcere para Rosa María Charlín, ao acusala de ser autora dun presunto delito de branqueo de diñeiro. O xuízo é na sección segunda e empeza ás 10,45 horas.
O fiscal alega que Rosa María Charlín comprou entre 1999 e 2004 unhas 10 propiedades inmobiliarias, entre as cales gastou case 550.000 euros. Pero segundo o Ministerio Público, a muller só ingresou das súas empresas uns 201.600 euros. Segundo o escrito de acusación, obtivo tamén 228.000 euros de préstamos bancarios, pero en calquera caso, engade o fiscal do caso, a arousana non pode xustificar a procedencia da totalidade do diñeiro, pois entre o diñeiro gastado na compra de propiedades e o ingresado pola actividade das empresas e os créditos hai máis de 100.000 euros de diferenza. Por iso, o fiscal reclama para ela, ademais dos cinco anos de cárcere, a imposición dunha multa de 720.000 euros.

http://www.farodevigo.es/portada-arousa/2015/05/26/sobrina-manuel-charlin-enfrenta-5/1247335.html