O evento terá lugar entre o 8 e o 10 de maio na Alameda. Serviranse 30 tipos desta bebida de dez produtores galegos

A cidade de Pontevedra celebrará este ano a súa primeira feira de cervexa artesá. Chamarase Pontus Lupulus e terá lugar entre os días 8 e 10 de maio na Alameda. O evento feiral, impulsado polaConcellería de Promoción Económica, que dirixe a socialista Carlota Román, presentouse este mércores como unha nova alternativa para o ocio dos pontevedreses e o apoio aos emprendedores dedicados á produción de cervexa, unha actividade en auxe.
Un total de dez produtores de Vilaboa, Poio, Barro, Vilanova de Arousa, Ourense, Cangas e Vilagarcía servirán ata 30 tipos de cervexa artesanal, tanto en cana coma en botella. Farano nuns cubos de madeira que se instalarán para a ocasión e onde os clientes poderán degustar as distintas variedades. O prezo da cana será variable, sendo a máis barata de dous euros. O resto irá oscilando en función do custo produtivo de cada variedade, especialmente na cervexa embotellada.

http://diariodepontevedra.galiciae.com/noticia/383149/pontevedra-celebrara-su-primera-feria-de-cerveza-artesana