Durante a mañá do domingo celebrouse unha nova xornada do Poyecto Ríos, coordinado polo colectivo ecoloxista Adega, nun total de 46 ríos de toda Galicia.

Entre eles voluntarios de Pontevedra, Poio, Ribadumia, Cuntis e Barro sumáronse á xornada retirando case 900 quilos de lixo dos ríos da bisbarra.

Encabezaron esta lista a Fundación Juan XIII, Asociación Xuntos e Vai Polo Río en Pontevedra, con preto de 500 quilos de desperdicios retirados do río Gafos.

Pola súa banda na Barosa, en Barro, o colectivo do mesmo nome recolleu 200 quilos de lixo.

Tamén participaron a Asociación Cultural O Fervedoiro de Cuntis, con 20 quilos retirados do río Gallo; o Colectivo Ecoloxista do Salnés en Ribadumia, con 50 quilos no Umia; e a Plataforma Veciñal Samieira, recollendo case 100 quilos no río Frieira de Poio.

Trátase da sétima limpeza simultánea de ríos nun proxecto financiado por Augas de Galicia e a Consellería de Medio, Territorio e Infraestruturas.

http://pontevedraviva.com/xeral/14782/retiran-casi-900-kilos-basura-rios-comarca-jornada-limpieza/