Os alcaldes da comarca de Ulla-Umia presentarán en setembro unha moción «idéntica e conxunta 
en defensa do partido xudicial». O alcalde do Concello de Caldas, Juan Manuel Rei, proponse saír á rúa para protestar en contra do anteproxecto de Lei Orgánica do Poder Xudicial (LOPJ), posto en marcha polo Ministerio de Xustiza. Rei ten a certeza de que «en setembro, dun xeito ou outra, sairemos á rúa» para defender os xulgados da vila e que ademais da moción conxunta presentada polos concellos levarán a cabo «acciones de máis calado».
De feito, o alcalde de Caldas de Reis asegura que non o facemos agora porque agosto é un mes inhábil» e tampouco quere «sacar demasiado pronto a artillería».
Como xa se anticipou na primeira reunión de alcaldes celebrada a principios do mes de Xullo, todos os concellos da comarca, incluídos Valga, Pontecesures e tamén Campo Lameiro, que non asistiron á anterior reunión, están a elaborar unha moción tipo de forma conxunta para protestar en contra da LOPJ, que pretende eliminar as salas de Instrución e Primeira Instancia e tamén os Xulgados de Paz (excepto os das capitais de provincia).
Esta reforma xudicial suporía un importante encarecemento da xustiza, xa que obrigaría aos cidadáns que non vivan nas capitais de provincia a desprazarse, neste caso ata Pontevedra, para poder realizar calquera trámite legal.
O Colexio de Avogados xa iniciou hai varias semanas unha campaña en contra da supresión dos partidos xudiciais, e ademais, foi o encargado de trasladar a todos os concellos da comarca un informe no que se explicaba como quedaría a situación dos partidos xudiciais en Caldas de Reis.
O malestar xurdido por mor desta reforma da LOPJ entre os Concellos de Caldas, Barro, Moraña, Portas, Cuntis, Valga, Pontecesures e Campo Lameiro, fará que os representantes ‘populares’ arremetan en contra das decisións do seu propio partido.
Ministerio de Xustiza. Cambios do mapa xudicial español
Desde a aprobación da LOPJ en 1985, o texto sufriu máis de 40 modificacións. Agora, o anteproxecto de Lei Orgánica Xudicial cambiará o mapa xudicial español actual a través da creación de Tribunais Provinciais de Instancia (TPI) nas capitais de provincia e o reforzo do Tribunal Supremo. O que o Ministerio de Xustiza pretende coa reforma desta lei é axilizar o sistema de xustiza, con todo, o anteproxecto de lei está a xerar opinións enfrontadas entre os propios membros do Partido Popular, de feito, varios alcaldes da provincia de Pontevedra xa manifestaron o seu desacordo respecto diso. As Comunidades Autónomas disporán dun ano desde a entrada en vigor da lei para remitir ao Goberno a súa proposta de organización en materia de delimitación territorial.
NOTICIAS DE BARRO 