A 7 días para que teña lugar a “Pontevedrada 2014″, unha marcha solidaria nocturna que transcorre durante 63 km dende Pontevedra ata Santiago de Compostela a través do Camiño Portugués, que conta con máis de 500 inscritos nesta ocasión, a sociedade de Barro implícase nesta iniciativa que atravesará o municipio na tarde noite do próximo sábado 26 de Abril.

Un colectivo cultural, “Amigos dá Fervenza dá Barosa” e tres locais hostaleiros, Furancho do Niní, Mesón Don Pulpo e Taberna Pousada do Peregrino uniron os seus esforzos para que a primeira parada “técnica” no lugar de San Amaro (Portela, Barro) para repoñer forzas, tras máis de dúas horas de camiño que fará esta marcha e que serán no concello de Barro, sexa o máis solidaria posible. Tamén a adega de Barro “Viña Moraima” colabora coa “Pontevedrada 2014″ doando produto para o sorteo que se celebrará ao finalizar a marcha en Santiago.

Contribuirá tamén á seguridade de máis dos xa máis de 500 inscritos, Protección Civil de Barro, que os escoltará ao seu paso polo municipio para minimizar calquera tipo de incidencia de seguridade.

Os refrixerios, bebidas isotónicas, pinchos, etc, que doarán de xeito altruísta os hostaleiros sumarase tamén a distribución nos locais dun folleto informativo elaborado pola AC “Amigos dá Fervenzadá Barosa” na que se invita a colaborar coa Fundación Josep Carreras, entidade creadora de REDMO (Rexistro de Doadores de Medula Ósea) mediante o envío dun sms ao 28027 coa palabra NOLEUCEMIA. O importe íntegro da mensaxe, 1,2 €, destínase a colaborar con esta fundación e o seu proxecto solidario,para a loita contra a leucemia (só dispoñible para clientes de Movistar, Orange e Vodafone España)

Durante as últimas semanas ademais a AC Fervenza dá Barosa promoveu o envío a través de whatsapp, viber, line, e distintas redes sociais o seguinte TEXTO:
“A AC Amigos dá Fervenza dá BAROSA de Barro, quérete pedir que axudes á marcha solidaria “Pontevedrada 2014″ e que envíes unha mensaxe dende o teu móbil coa palabra NOLEUCEMIA ao 28027, estarás a axudar a salvar vidas. Axúdanos e pasa esta mensaxe a todos os teus amig@s e contactos!!!

O vicepresidente da AC, Faustino Batallán, sinalou que “renovamos novamente un ano máis a colaboración coa Pontevedrada e a súa causa no tempo e de xeito indefinido, axudando na difusión e promovendo esta iniciativa solidaria no concello de Barro“.