A segunda gala solidaria ‘Música por alimentos’ celebrada en Curro o domingo pasado recadou 3.000 quilos de comida, que foron entregados a Cáritas. Así informou Miguel Maquieira, responsable da Comunidade de Montes de Curro, organizador do evento xunto á firma Espectáculos Galicia.
Maquieira destacou a «grande afluencia» de público, que superou ás 3.000 persoas, e a boa acollida da iniciativa, que conseguiu «case duplicar» a cantidade de alimentos recadados respecto ao ano anterior.