Barosa organiza visitas guiadas aos escolares polos muiños do río. O que se pretende por parte deste colectivo con esta visita etnológica é que os nenos aprendan como funcionan os muiños, a súa historia, o funcionamento dun forno de pedra e os procesos de elaboración do pan.
Ensinaranlle aos nenos os distintos tipos de cereales, e a forma en que se converten en fariña.
Así mesmo, farán un taller de amasado de pan para que os nenos elaboren cada un o seu propio bolo e para rematar ensinaránselles o forno para que aprendan como a partir da masa e despois do cocido lógrase ter pan.
Monitor especializado
Un dos monitores é panadeiro de profesión e explicaralles aos nenos os ingredentes que leva a masa para facer o pan.
O prezo da actividade é de 6 euros por neno e os colexios interesados poden recibir máis información no teléfono 655 952 805 ou no mail yoyo@barosa.é.
NOTICIAS DE BARRO 