A construción da variante da estrada provincial EP-0503 Mane-Rebón supoñerá a expropiación de 68 parcelas, incluíndo varias viñas e peches, segundo publicou o BOP o pasado luns.

O Pleno da Deputación Provincial de Pontevedra celebrado o pasado 27 de decembro aprobou inicialmente o proxecto, que afecta concretamente á parroquia de Rebón, e que conta cun presuposto de 650.369,97 euros, ao
que haberá que sumar os fondos para pagar as expropiacións.

Así mesmo, acordou solicitar á Xunta de Galicia a declaración de urxente ocupación dos bens e dereitos afectados pola execución das obras, cuxo
obxectivo é «a construción dunha variante dá dita estrada non lugar de Rebón,
xa que ou actual trazado é moi sinuoso, contando con 31 aliñacións non tramo de 1,28 quilómetros, obxecto do proxecto,».
Deste modo, grazas a esta circunvalación, a Deputación prevé mellorar a seguridade vial.

A relación de propietarios inclúe veciños de Barro, Moraña e doutras localidades. Entre as parcelas afectadas figuran algunhas de apenas un metro cadrado ata outras de case 1.300 metros. A de maior superficie é unha de 1.805 metros propiedade do Arcebispado de Santiago. Nalgúns casos tamén se expropian tramos de viña e peches de malla.

O proxecto e o expediente están expostos a información pública durante 15 días hábiles contados dende onte para a presentación de reclamacións.