Será a terceira vez que o club swinger LacasadeBarro promueva unha cuestación de alimentos entre os seus clientes e asiduos, pero non por iso deixa de ser unha proposta rechamante. Os promotores desta empresa -un local de ambiente no que se dan cita as persoas que practican intercambio de parellas-, expresaron noutras ocasións a súa preocupación polos máis desfavorecidos e defenden que o seu ámbito de traballo é un lugar tan bo como outro calquera para animar á xente a solidarizarse. O club de intercambio de parellas ten tamén unha zona de recolecta de alimentos non perecederos nas súas instalacións e difunde a súa causa a través das redes sociais. Na súa páxina de Facebook, na que contan cun gran número de seguidores, deron por comezada esta campaña, que durará ata finais do mes de decembro. Como nas ocasións anteriores, os alimentos recolectados serán entregados en asociacións ou colectivos que gestionen a súa chegada ás persoas máis necesitadas da comarca. Nas dúas colectas anteriores os alimentos foron entregados á Cruz Vermella.