O rural da comarca resulta unha zona apetecible para os cacos. Polo menos así o parece ante casos que se suceden en vivendas, negocios e ata igrexas. A Garda Civil, que este pasado fin de semana detivo a dous individuos por roubar nas igrexas Caldenses de Carracedo e San Clemente, tamén acudiu a unha vivenda en Portas. O seu propietario denunciou a desaparición de valiosas ferramentas, así como dunha escopeta e munición.

Episodios como estes incrementaron unha incerteza que xa estaba en aumento durante os últimos meses. Este último roubo, que está sendo investigado, prodúcese en similares condicións aos que ocorreron últimamente neste municipio e tamén noutros próximos como Caldas, Moraña ou Barro. En zonas apartadas, de escaso tránsito, os ladróns acceden rompendo ou forzando algunha fiestra para levarse obxectos de valor.

A vítima deste último roubo botou en falta un equipo de soldadura, varios trades, unhas minimotos que tiña gardadas no interior do inmueble, así como unha rozadora, escopeta e munición. Segundo apuntaron os veciños, o caso xa están en coñecemento do instituto armado. É o cuartel do Caldas o encargado de investigar este tipo de sucesos na comarca.

Estes labores empezan estanse intensificando ante o coñecemento de roubos en ámbitos rurales. Este pasado sábado os axentes detiveron a dous veciños de Malpica por acceder ás mencionadas igrexas de Caldas para facerse con obxectos de valor e diñeiro. Foi unha chamada dun veciño a que alertó da presenza destes ladróns nunha delas, sendo detidos e sendo, un, enviado a prisión.

Algo que se suma a anteriores episodios como o da igrexa de Saiar, a principios deste mes. Nese caso o botín foi valioso, no que se incluían xoias de ouro e prata, así como o diñeiro dos cepillos. Por agora a Garda Civil continúa coa investigación e a procura dos seus responsables.

Veciños e empresarios solicitaron nos últimos meses que se reforce a vixilancia en diferentes ámbitos. Principalmente, como un labor enfocada a disuadir a comisión destes delitos contra a propiedade allea.

Ademais da detención dos autores dos roubos en igrexas, tamén outros recentes sucesos resolvéronse. De feito, o pasado día catro desarticulouse unha banda de 16 integrantes dedicaba ao roubo de xoias. Caldas foi un dos municipios onde actuaron estes ladróns.