Barosa Líquida mestura diversas actividades creativas na contorna inigualable das fervenzas e muíños deste parque do  municipio de Barro, onde se pode compaxinar a arte, a música, a literatura e a gastronomía, con outras propostas multidisciplinares.

Este domingo celébrase a segunda xornada deste programa e os asistentes poderán gozar de intervencións efémeras de artistas na natureza, respectuosas coa contorna; música en directo, que nesta ocasión estará a cargo das Bruxas do Noroeste; iniciativas conxuntas de escritores e músicos; obradoiros infantís para entreter aos máis pequenos, e as tapas gastronómicas que ofrecen os locais da zona.

Barosa (Barro)

Día: 30 de xuño

Horario: Durante toda a xornada

Entrada: Libre