En canto ás causas que puideron orixinar a rotura dun dos dous carriles da vía do tren no tramo entre as estacións de Pontevedra e de Portela, desde Adif (Administrador de Infraestructuras Ferroviarias) descartan a posibilidade de que fosen as obras do AVE que se están executando no túnel de San Amaro (Barro), onde a vía do tren convencional discorre moi preto do viaducto. Fontes oficiais do organismo dependente do Ministerio de Fomento precisan que a avería foi detectada cos sistemas de seguridade porque se corta a continuidade do circuíto que vai polo carril ata o resto de instalacións”.
Desta forma Adif desmonta a versión ofrecida por persoal da estación de tren de Vilagarcía, que informaba a pasaxeiros que preguntaban polo ocorrido que o corte do tráfico ferroviario debíase ás obras que se están desenvolvendo en Portela.