PONTEVEDRA. O novo Plan Xeral de Vilaboa, que se atopa en tramitación, contén como súas varias zonas pertencentes ao termo municipal de Pontevedra. A superficie non está cuantificada, pero si localizada nun informe que enviou o Concello da capital ao Consistorio vilaboés por mor da aprobación inicial do documento.

O concelleiro de Infraestruturas, Cesáreo Mosquera, insiste en que a ‘invasión’ é un erro subsanable na cartografía presentada, que xa se detectou noutros casos. “Por exemplo, en Barro”.

O nacionalista non quere levar o asunto ao terreo da polémica, menos aínda cando están latentes os conflitos dos deslindes con Poio e Marín. Por iso, subliña que se trata dun “problema” de mapas sen maior transcendencia. “Pasa sempre. Nós o que facemos é informalo e envialo a Vilaboa para que o teñan en conta”, manifesta.