O neno será operado en Santiago para reconstruírlle unha parte do cranio

O bebé de oito meses que hai quince días sufría un traumatismo cranioencefálico tras un accidente en Curro está fóra de perigo. O forte impacto provocoulle un traumatismo cranioencefálico grave con fractura cranial e sangrado intercraneal que lle obrigou a ingresar e ser operado de urxencia no Hospital Clínico de Santiago. Desde entón, segue na unidade de coidados intensivos do Complexo Hospitalario Universitario de Santiago ( CHUS), pero a súa evolución é moi boa. O peor pasou, segundo explicaron onte fontes consultadas por La Voz de Galicia. O bebé está fóra de perigo e será operado novamente mañá para reconstruír unha parte do cranio. Fuentes próximas ao hospital aseguran que as funcións cerebrais se desenvolven ben e «xa se ri, come e móvese».

O bebé viaxaba no seu sillita no asento traseiro dun Peugeot 306 que conducía a súa avoa, C. A. S., cando un vehículo que circulaba de fronte perdía o control e tras dar dous trompos chocaba lateralmente con eles. A muller foi trasladada por Urxencias Médicas ao Hospital Domínguez cun traumatismo torácico, mentres a UVI móbil do 061 levou ao bebé de oito meses ao Clínico de Santiago ante a gravidade do golpe. O condutor do BMW, C. T. T., sufriu un politraumatismo.

Máis información:

Tres feridos, entre eles un neno, nunha forte colisión en Curro

http://noticiasbarro.com/2013/01/30/tres-feridos-entre-eles-un-neno-nunha-forte-colision-en-curro/