O proceso de revisión dos valores catastrais que se está a realizar no concello 
de Barro chega no pior momento posíble.
Esta revisión catastral, que leva ao brutal incremento do recibo da contribución (IBI) aprobado polo PP e o PSOE no noso concello, vai agravar aínda máis os problemas económicos de moitas familias
que o están a pasar realmente mal, por culpa do crecente desemprego derivado da crise á que nos teñen abocados as políticas neoliberais ditadas pola UE e seguidas cegamente polos gobernos galego e español.
Unha suba que, por certo, non se limita ao 2013, xa que subirá progresivamente, ano a ano, até o 2022.
Os valores que se están a utilizar como base para calcular o valor das propiedades non teñen en conta a baixada de prezos que sufriron os solos e as vivendas nos últimos anos, unha baixada que, moi posibelmente, irá a máis proximamente.
O valor catastral das propiedades ademais de definir o que hai que pagar cada ano de contribución, afecta tamén ao que hai que pagar de imposto de sucesións e doazóns (Herdanzas), ao imposto da renda (en caso de non ser vivenda habitual), ou á hora de solicitar becas de estudio e outra axudas da administración pública, por pór só algúns exemplos.
Son numerosos os veciños e veciñas que teñen detectado erros nas medicións e valoracións de solos e construcións, polo que o BNG recomenda que se miren en profundidade para, nos casos que sexa necesario, realizar as reclamacións oportunas mentres se está en prazo (os técnicos de catastro están no concello até o día 16 deste mes), xa que unha vez que os valores estean aprobados van ser definitivos para moitos anos.
Unha suba que, por certo, non se limita ao 2013, xa que subirá progresivamente, ano a ano, até o 2022.
Os valores que se están a utilizar como base para calcular o valor das propiedades non teñen en conta a baixada de prezos que sufriron os solos e as vivendas nos últimos anos, unha baixada que, moi posibelmente, irá a máis proximamente.
O valor catastral das propiedades ademais de definir o que hai que pagar cada ano de contribución, afecta tamén ao que hai que pagar de imposto de sucesións e doazóns (Herdanzas), ao imposto da renda (en caso de non ser vivenda habitual), ou á hora de solicitar becas de estudio e outra axudas da administración pública, por pór só algúns exemplos.
Son numerosos os veciños e veciñas que teñen detectado erros nas medicións e valoracións de solos e construcións, polo que o BNG recomenda que se miren en profundidade para, nos casos que sexa necesario, realizar as reclamacións oportunas mentres se está en prazo (os técnicos de catastro están no concello até o día 16 deste mes), xa que unha vez que os valores estean aprobados van ser definitivos para moitos anos.
NOTICIAS DE BARRO 