Barro, 6 de novembro de 2012. – O próximo domingo día 11 de novembro ás 11:00 horas celebrarase a final do I Torneo de Inverno Afeccionado en Barro.

Tras as inclemencias meteorolóxicas do fin de semana pasado e o aprazamento dos partidos de semifinais á xornada previa do sábado día 10, culminarase así o torneo que amadriñou a tenista internacional Lourdes Domínguez.

A ACD Tenis As Baladas quere invitar a tod@s os aficionad@s ao tenis e aos vecin@s de Barro a participar na final do evento, que destacará pola calidade deportiva dos finalistas.

Dende a ACD Tenis As Baladas queremos agradecer a difusión do torneo aos medios de comunicación que cobren este, aos diarios dixitais locais e a todas aquelas persoas que dunha ou outro xeito colaboraron no evento especialmente a Lourdes Domínguez, e ás entidades colaboradoras,  Concello de Barro,  Deputación de Pontevedra (área de Deportes), Transpobedasa-Envialia Pontevedra(Barro),  Floraría Elena (Barro), Augas do Paraño,  Bar Breixo (Barro) e Restaurante Porteliña (Barro).
Asdo. Joaquín Souto