Nota de prensa de ACD Tenis As Baladas. Lourdes Domínguez recibiu de mans da directiva da ACD Tenis As Baladas de Barro o nomeamento de “socia de honra” na inauguración do I Torneo de Inverno Afeccionado en Barro que se celebrará durante esta ponte de Todos Los Santos na Pista Municipal de Tenis de Barro. O torneo que arrancou ás 10 da mañá conta con 20 participantes, que aínda coas condicións climatolóxicas adversas, estase a disputar o torneo de xeito intermitente. Se as previsións o permiten na xornada do domingo, celebrarase a final deste. Ás 12 horas fixo a súa presenza na pista municipal acompañada polo alcalde de Barro, José Antonio Landín e varios membros da directiva da ACD de Tenis, a tenista pontevedresa Lourdes Domínguez que a pesar de estar a pasar uns días de vacacións na súa cidade, quixo compartir cos asistentes ao torneo o “agradecemento por pensar nela como socia de honra”. No acto de amadrinamiento da ACD, xa asentada como referente do tenis no concello, o presidente da entidade Joaquín Souto fíxolle entrega do diploma a Lourdes Domínguez, que lle outorga o devandito nomeamento. Pola súa banda o alcalde de Barro, José Antonio Landín, aproveitou a súa presenza para destacar que durante estes días se está a adecuar a superficie do pavillón municipal de Curro, con pintado e imprimación para tenis e fútbol sala, o que permitirá celebrar futuros eventos como o actual sen depender da climatoloxía. Tamén sinalou que se prevee rematar a obra total do devandito pavillón en datas próximas, sinalando que ” ou Concello de Barro adrede polo deporte, como cando se fixo esta pista de tenis e algúns criticaban esta actuación, e hoxe, coa celebración déste torneo, temos aquí unha proba de que foi un acerto e non un erro”. Dende a ACD de Tenis As Baladas de Barro quérese agradecer aos patrocinadores do torneo e administracións públicas a colaboración prestada: Concello de Barro, Deputación de Pontevedra (área de Deportes), Floraría Elena (Barro), Augas do Paraño e RestaurantePorteliña (Barro).