A Deputación de Pontevedra chegou a un acordo cos veciños e comunidades de montes que iniciaran un proceso xudicial contra o polígono de Barro-Meis. O pacto, rubricado esta mañá, supón a renuncia dos denunciantes a continuar coas actuacións legais contra o polígono. As partes consideran que as deficiencias que motivaron as demandas foron emendadas. O presidente da deputación, Rafael Louzán, manifestou que co acordo se dá “seguridade xurídica definitiva” ao polígono para a instalación de empresas.