A ligazón do nó de Curro coa autovía do Salnés abrirase o próximo mes e os seus outras conexións, en agosto
A consellería de Medio Ambiente, Territorio e Infraestruturas prevé que o nó de Curro estea listo tamén o próximo mes, para dar conexión á autovía do Salnés. Os seus outros ligazóns, coa estrada de Vilagarcía, PO-531, ou a futura autovía A-57, de titularidade do Ministerio de Fomento, estarán en agosto. “Estamos a traballar para dar prioridade ao eixo de comunicación da autovía do Salnés”, explicou onte o conselleiro de Infraestruturas, Agustín Hernández, quen anunciou que ao longo do mes de agosto poderanse terminar todos os ramais de comunicación desta obra.
Esta actuación supón máis de 15 quilómetros de novos viarios –lembrou o conselleiro– mentres que a obra do propio nó esténdese ao longo de máis dun quilómetro de lonxitude, con dúas glorietas.
A obra que está a executar a Xunta de Galicia neste nó ten un orzamento de 39 millóns de euros. Trátase dunha das actuacións máis ambiciosas de cantas están a acometerse en Galicia na actualidade en materia de estradas, pois no futuro conectará tres autovías, unha autoestrada e varias vías locais cunha rede de pasos inferiores e pontes.
Nas inmediacións desta “macro nó”, nos tramos onde o volume de vivendas sexa baixo instalaranse dous carrís en distinto sentido (un sentido Vilagarcía e outro sentido Pontevedra) máis un para vehículos lentos en dirección a Vilagarcía. Nos tramos de gran densidade de poboación instalaranse beirarrúas a ambos os dous lados da estrada que contará cun carril a cada lado, separado por unha mediana peonil.