O CEIP Amor Ruibal de Barro entrega o cuarto Premio MIMI ao Persoeiro do Ano, que nesta ocasión recaeu en Pili, a educadora social do Concello de Barro.

Este galardón, que na súa primeira edición foi para o ciclista do Xacobeo, Ezequiel Mosquera; na segunda, para o Xabarin club e, na terceira edición para as Cantereiras de Ardebullo, xurdiu no ano 2009 por mor da elección da mascota do colexio.

A súa finalidade é recoñecer e premiar a aqueles personaxes da comunidade que na súa vida utilicen e fomenten o idioma galego e a súa cultura.

O premio MIMI consiste nunha figura en madeira realizada polo artista local Francisco José Rodríguez Remiseiro.

Enlaces a artigos dos premios MIMI de anos anteriores:

2011 O Premio Mimi para as Cantareiras de Ardebullo

2010 O Xabarín Club recibiu o segundo premio do CEIP Amor Ruibal ao fomento do galego

2009 Mosquera expón a súa receita en Barro