De conformidade co previsto no art. 12 do Real Decreto Lexislativo 2/2004, en relación cos artigos 23 e seguintes do Regulamento Xeral de Recadación, de 29 de xullo de 2005 (Real Decreto 939/2005), comunícaselles ós contribuíntes afectados que o período voluntario de cobranza das Taxas e Prezos Públicos, máis adiante indicadas, para os concellos que se relacionan, será do día 31 de xaneiro do 2012 ao 02 de abril do 2012, ámbalas dúas datas inclusive. Tendo en conta que o prazo límite de ingreso será o día 02 de abril do 2012 no horario de caixa de cada entidade bancaria colaboradora (art. 80.3 Regulamento Xeral de Recadación).

As Taxas deberán satisfacerse, consonte co artigo 23 e seguintes do Regulamento Xeral de Recadación (R.D. 939/2005), a través de calquera entidade bancaria ou na caixa dos Servizos Centrais do ORAL, empregando os instrumentos de ingreso (recibos) que se enviarán ó domicilio declarado do contribuínte por correo ordinario. No caso de perda do devandito instrumento, o obrigado ó pagamento poderá, ata o día 02 de abril de 2012, obter un duplicado nos Servizos Centrais (Avda. de Marín, 9 – 36071 –Pontevedra. Tlf.—986 85 99 93) ou na Oficina Periférica máis cercana o seu domicilio.

Os contribuíntes que a 15 de marzo do 2012 non tivesen recibido nos seus domicilios os instrumentos de ingreso disporán de prazo ata o 02 de abril do 2012 para os solicitar na oficina indicada e efectua-lo pagamento nas entidades bancarias ou nos Servizos Centrais, posto que a non recepción non exonera da obriga do pagamento e non impide a utilización da vía de prema.

O presente anuncio ten carácter de notificación colectiva ó abeiro do art. 102 da Lei 58/2003, 17 de decembro, Xeral Tributaria.

O vencemento do prazo en período voluntario, sen ter sido satisfeita a débeda, determinará o comezo do procedemento executivo, a percepción da recarga correspondente e demáis conceptos esixibles tal e como se fixan nos arts. 26, 28 e 161 da Lei 58/2003 Xeral Tributaria.