Onte aconteceu outro acidente  entre dous vehículos no cruzamento da rúa Areal, ao mesmo acudiron dúas ambulancias do 061 para atender aos feridos.

Cruzamento polémico.

Neste cruzamento é habitual que suceda algún incidente debido ao perigo que supón a incorporación á devandita rúa dende a N-550 direccion Santiago.

Dende hai anos, o BNG, ven denunciando as caraterísticas tan perigosas deste cruzamento por mor da alta siniestralidade do mesmo,  no que hai uns meses o Concello procedeu a comezar unhas obras de ampliación do vial coa finalidade de solucionar este punto negro, e que, desafortunadmente, a día de hoxe, atópanse paradas.

Confiamos en que pronto se retomen para evitar casos como os acontecidos e outros máis graves que puidesen acontecer.

Aquí vos queda a nova publicada no pasado mes de febreiro, tanto neste Blog como na Voz De Galicia, referíndose ao polémico cruce.

O BNG reclama medidas para os problemas de tráfico no centro de Barro.

O BNG de Barro afirmou onte que os problemas de tráfico no núcleo urbano de San Antoniño teñen a súa orixe no Plan Xeral de Ordenación Municipal (PXOM). O portavoz municipal dos nacionalistas, Xosé Manuel Fernández Abraldes, sinalou que o PP non tivo en conta no seu día os contratempos que carrexaría construír o núcleo urbano a ambos os dous lados da estrada N-550 «sen deseñar accesos seguros ás distintas rúas, tanto para peóns como para vehículos».

O Bloque recordou que fai máis dun ano o pleno aprobou unha moción na que se propuña a construción dunha rotonda no lateral da N-550, na rúa que baixa ao tanatorio. Por iso, responsabilizou ao Concello e a Fomento de posibles accidentes.

Foto de Lorena Gonzalez