Catro proxectos servirán para reformar a PO-308 ao seu paso por Poio e a PO-531 Pontevedra-Curro (Barro), segundo a información facilitada pola Consellería de Medio Ambiente, Territorio e Infraestruturas á federación Teucro.

No que incumbe á PO-531, a Dirección Xeral de Infraestruturas está a realizar actualmente dous proxectos, un para o traxecto Pontevedra-Alba e outro para o Alba-Curro . O primeiro deles estará listo «a finais deste ano».

O departamento que dirixe Agustín Hernández asegura que analizou varias alternativas por mor da «importantísima contestación social» do primeiro proxecto, que databa da etapa do bipartito, e que os dous proxectos que agora está a elaborar supoñen supoñen «un novo deseño»,

Respecto da estrada da costa PO-308, a Dirección Xeral de Infraestruturas informou á federación Teucro de que está «a reformular» o proxecto de mellora de seguridade viaria no tramo comprendido entre o quilómetro 0,8 e o 4,2. Ademais, ten xa redactado o que corresponde ao tramo entre o 9,6 e o 11,4.