Unha vintena de colexios, asociacións e entidades da comarca de Pontevedra participan este curso 2011-2012 no programa ambiental Voz Natura, que promove a Fundación Santiago Rei Fernández Latorre. As reforestacións serán o eixo principal das actividades a desenvolver polos escolares nesta décimo quinta edición, sen esquecer outros proxectos de acción directa sobre o medio natural galego.

A Asociación Cultural Andarela de Nantes (Sanxenxo), a Asociación Tambre de Pontevedra, o Centro de Educación Especial Juan XIII, o colectivo ecoloxista Vaipolorío e os colexios da Lama, Amor Ruibal de Barro, Torre-Cela de Bueu, o de Portonovo, o de Tenorio-Cotobade, Magaláns-Dorrón, Manuel Cordo Boullosa de Ponte Caldelas, o de Chancelas, Riomaior-Vilaboa, Sacro Corazón de Praceres, Domingo Fontán de Portas, Dalila de Marín, Os Salgueiros, e Concepción Crespo Rivas de Pontevedra, ademais de Instituto de Secundaria A Xunqueira I, completan a lista de participantes da comarca.

Os proxectos que desenvolverán teñen como nexo común asumir responsabilidades no coidado e a conservación da natureza. A Asociación Cultural Andarela de Nantes pretende, por exemplo, recuperar as herbas de San Juan no municipio de Sanxenxo, implicando aos alumnos dos sete colexios públicos do Concello na plantación e coidado dos sementeiros para trasplantarlos despois en terreos previamente preparados.

O CEIP Amor Ruibal de Barro celebrarán o Día do Troco (educación en consumo sostible) e crearán un sementeiro de árbores froiteiras. Os alumnos de XOÁN XXIII traballarán na reforestación dunha zona do río Almofrei, onde xa se están desenvolvendo accións de restauración. E os do CEIP da Lama seguirán actuando na zona do río Verdugo e desenvolvendo un programa de concienciación sobre o grave problema que representan para o monte os incendios forestais.