Unha muller de 46 anos, D.P.O.R., resultou onte ferida grave nun accidente de tráfico que tivo lugar na estrada que enlaza Pontevedra con Vilagarcía (PO-531)ao seu paso polo municipio de Barro. Segundo indicou o servizo de urxencias de Galicia 112, o suceso ocorreu ás 8.15 horas nas inmediacións da inspección técnica de vehículos (ITV) de Curro e víronse implicados tres vehículos.

Desde a central de coordinación mobilizouse aos Bombeiros de Pontevedra para que excarcerasen á vítima, que quedou atrapada, e a Urxencias Sanitarias. A muller foi evacuada ao hospital Miguel Domínguez de Pontevedra, onde onte permanecía ingresada en planta con policontusiones.