Tras o seu fugaz paso polo servizo de urxencias do Hospital Montecelo, Josefine, ou Josefa como a chaman a maior parte dos seus achegados, regresou o mesmo mércores á súa casa de Triabá, en Perdecanai (Barro).

Onte, nada máis transcender o ocorrido, asegurou a preguntas de La Voz non poder rememorar o que ocorrera. «Non recordo nada porque me quede inconsciente», precisou. Ata, chegou a manifestar non ter constancia de que a súa filla a agredise. De feito, cando se lle preguntou por ela, a súa resposta foi: «A miña filla non está en casa»

-¿Pero sabe se segue detida?

-¡Ai! Non o sei -respondeu parapetada tras unha fiestra da segunda planta da vivenda á vez que pedía que non a inmortalizasen en fotografía porque «eu non son unha top model».

En canto ao seu estado de saúde, Josefine Outón Castro precisou que «hoxe puiden durmir algo e xa me atopo ben».

algúns veciños desta persoa quen sinalaban que xa regresara á vivenda pero que aínda debería regresar ao Hospital ao longo destes días para realizar as curas. “Recibiu bastantes puntos de sutura, ten un corte bastante grande nun brazo e outros na cabeza” e di que a súa filla a atacou cando se atopaba durmindo na cama no seu dormitorio, indicaron varios veciños.
Posteriormente, a Garda Civil continuou coas investigacións ata que finalmente localizou á suposta autora das lesións, sendo detida sobre as 23 horas do mércores, ao parecer, cando regresou ao domicilio familiar.
A detida será posta a disposición do xulgado de instrución número 2 de Caldas nas próximas horas.
Segundo indicaron os veciños da zona, a suposta agresión que sufriu esta muller duns 50 anos de idade a mans da súa filla era “algo que se vía vir”. Aseguran que os altercados na vivenda eran habituais e que supostamente non é a primeira ocasión na que a Garda Civil ten que acudir a este domicilio polo comportamento da detida cara á súa proxenitora. Mesmo aseguran que puido agredila xa nalgunha ocasión anterior, cando a vítima acudiu a refuxiarse nalgunha casa próxima.
Trátase dunha familia que se asentou no lugar de Triaba, en Barro, despois de regresar da emigración en Alemaña. A vítima conta con outra filla, á parte da detida, e o seu marido faleceu hai xa moitos anos.