A Consellería de Medio Ambiente informou onte da conclusión dos traballos de limpeza e mantemento en catro ríos da comarca de Pontevedra. As actuacións abarcaron 3,5 quilómetros en Marín, Barro e A Lama e nelas investíronse máis de 55.000 euros.

En Marín limpouse un tramo de 2,9 quilómetros do río Loira. En Barro actuouse en 390 metros do Areal, mentres que na Lama os labores centráronse no río Oitavén (35 metros) e o Rego do Porto (430 metros), para reparar os danos producidos o pasado xaneiro. Os traballos incluíron a limpeza de vexetación, a roza selectiva da zona de servidume de paso, a retirada de restos vexetais arrastrados polas crecidas, a eliminación de atascos e obstáculos en pontes, azudes, illas e pasos, e pódaa de ramais con risco de caer ao leito.