A Audiencia de Pontevedra absolveu a un veciño de Barro que, no seu día, foi condenado a tres anos de prisión por abusar sexualmente da súa fillastra. Á hora de impor esta condena, o Xulgado do Penal da capital tivo en conta a existencia dunha agravante de reincidencia, tendo en conta que o acusado xa foi condenado en 1994 a catro anos e dous meses por agresión sexual.

Os maxistrados pontevedreses recoñecen que lles sorprende que a xuíz «non analice a parquedad da declaración da menor acerca dos tocamentos que manifesta que efectuou o acusado», sobre todo tendo en canta que os abusos comezarían cando a adolescente tiña 7 anos e estendéronse durante oito anos. Ademais, alúdese a unha serie de contradicións nas que incorreu a menor e que descartan que poida tratarse dunha mera confusión.

Isto lévalles a concluír que «a declaración da vítima, non reúne elementos de verosimilitud suficientes para constituír proba hábil que desvirtúe a presunción de inocencia que ampara ao acusado».